रीपा में महिला मन टीबी मरीज मन ब तियार करत हे पोषण आहार किट

पौष्टिक आहार ले टीबी मरीज मन ल बीमारी ले उबरे म मिलही मदद
गरियाबंद, 09 सितंबर 2023
ग्राम पंचायत श्यामनगर में स्थित रूरल इंडस्ट्रियल पार्क रीपा में स्व सहायता समूह के महिला मन टीबी के मरीज मन ब पोषण आहार किट तियार करत हे। जिला के टीबी मरीज मन ल गोद लिए निक्षय मित्र मन कती ले दिए जाए वाले अतिरिक्त पोषण आहार ए किट में पौष्टिक अउ प्रोटीन युक्त आहार सामिल करे जाथ हे। ए आहार के सेवन ले टीबी मरीज मन ल बीमारी ले उबरे में मदद मिलही। जहा एक कती किट तियार करे से महिला मन ल रोजगार मिलत हे, उहें दूसर कती टीबी मरीज मन ल बीमारी ले लडे़ में सहायक आवश्यक पौष्टिक आहार घलो मिलत हे। पौष्टिक किट बनाए में समूह के महिला मन सफई अउ शुद्धता के घलो धियान राखत हे। जेकर से मरीज मन ल उच्च गुणवत्ता के पोषण आहार किट मिले ले बीमारी से लड़ाई में मदद मिलही। संग ही मरीज मन के स्वास्थ्य में घलो तेजी ले सुधार आही।
उल्लेखनीय हे की कलेक्टर श्री आकाश छिकारा अउ ज़िला पंचायत सीईओ श्रीमती रीता यादव  के मार्गदर्शन में निक्षय मित्र टीम के सहायता ले टी.बी. मरीज मन ल अतिरिक्त पोषण आहार के पैकेट दिए जाथ हे। जेला एकीकृत कर पैकिंग करे के काम रीपा में कार्यरत समूह सदस्य मन के द्वारा करे जाथ हे। उक्त पोषण आहार में चाउर,दार,सोया बड़ी , दलिया,मूंगफली दाना, फूटा चना, सोया रिफाइंड तेल पैकिंग कर टीबी मरीज मन ल प्रदाय करे जाथ हे।