बिलासपुर, जिला म महात्मा गांधी ग्रामीण औद्योगिक पार्क (रीपा) अंतर्गत करे गए नवाचार ले स्थानीय युवा मन ल अपन सुनहरा भविष्य गढे़ म मदद मिलत हे। इहां उपलब्ध मुफ्त वाई-फाई सेवा के मदद ले प्रतियोगी परीक्षा के तईयारी करे वाले क्षेत्र के युवा एकर से लाभान्वित होवत हे। नौकरी खोजइया छात्र मन ल इंटरनेट एक्सेस करे अउ नौकरी के बारे म जानकारी खोजे म सहूलियत होवत हे, अउ संग म ओमन ल अपन पढ़ई पूरा करे म घलो सहायता मिलत हे। बिल्हा के धौरामुड़ा, अकलतरी, कोटा के रानीगांव, करगीकला, मस्तूरी के वेद परसदा, बेलटुकरी अउ तखतपुर के बेलपान अउ गनियारी गोठान म संचालित रीपा म वाई-फाई के सुविधा उपलब्ध कराए गए हे। ग्रामीण क्षेत्र म शिक्षा अउ रोजगार ब उपयोगी इंटरनेट कनेक्शन के उपलब्धता एक बडे़ समस्या हे। रीपा म फ्री वाईफाई लगा के ए समस्या के समाधान करे गया हे। जॉब सीकर्स छात्र मन ब, इंटरनेट ओमन ल रोजगार समाचार, नौकरी ब आवेदन पत्र, सरकारी नौकरी ब जानकारी, अउ के प्रकार के नौकरी संबंधित जानकारी खोजे म सहायता प्रदान करत हे।
बिलासपुर : रीपा म मिले मुफ्त वाईफाई सुविधा ले युवा संवारत हे अपन भविष्य
