रायपुर, मुख्यमंत्री दाऊ भूपेश बघेल ले आज ऊंखर निवास कार्यालय म रिसाली नगर निगम के नवनिर्वाचित पार्षद मन ह सौजन्य मुलाकात करिन। मुख्यमंत्री दाऊ बघेल ह सबो नवनिर्वाचित पार्षदगण ल नगरीय निकाय चुनाव म उंखर जीत बर बधाई अऊ शुभकामना दीन। ये बेरा म गृह मंत्री श्री ताम्रध्वज साहू, संसदीय सचिव श्री विकास उपाध्याय, छत्तीसगढ़ राज्य खनिज विकास निगम के अध्यक्ष श्री गिरीश देवांगन संग आन जनप्रतिनिधिगण उपस्थित रहिन।
