रिसाली म ग्रामीण आजीविका केंद्र जइसे शहरी आजीविका केंद्र घलोक बनही : श्री भूपेश बघेल

दुर्ग, रिसाली नगर निगम म पदभार ग्रहण समारोह के अवसर म पहुंचे मुख्यमंत्री श्री भूपेश बघेल ह आजीविका के अवसर बढ़ाए खातिर वृहत आजीविका केंद्र के निर्माण खातिर जरूरी अधोसंरचना अउ सौंदर्यीकरण के दिशा म काम करे के जरूरत बताईन। उमन कहिन कि निगम ये दिशा म योजना बनावयं, शासन कोति ले हर संभव मदद रिसाली नगर निगम ल करे जाही। उमन कहिन कि नवनिर्वाचित महापौर, सभापति अउ पार्षद गण मन बर तेजी ले विकास करना बड़का चुनौती होही। एमां ले अधिकांश पार्षद पहली पइत चुन के आए हें अऊ उत्साह ले भरे हें। मोला उम्मीद हे कि ये रिसाली के विकास ल नवा ऊंचाइ देही, उमन कहिन कुछ अनुभवी पार्षद घलोक आए हें। ऊंखर अनुभव के लाभ निगम ल मिलही।