रिसाली निगम कार्यालय शुभारंभ अऊ शहीद पार्क के उद्घाटन करहीं मुख्यमंत्री, कलेक्टर ह लीन तैयारी मन के जायजा

दुर्ग, 09 जनवरी 2021। भिलाई म शहीद पार्क तियार हो गए हे। ये मा सरदार भगत सिंह के देश के सबले बड़े गन मेटल के मूर्ति लगाए गए हे। एकरे संग छत्तीसगढ़ बनने के बाद ले देश भर म होए 1270 शहीद जवान मन के नाम घलोक श्रद्धांजलि स्वरूप अंकित करे गए हे। मुख्यमंत्री श्री भूपेश बघेल 12 तारीक के ये पार्क के लोकार्पण करहीं। एखर संगेच मुख्यमंत्री रिसाली नगर निगम के कार्यालय के शुभारंभ घलोक करहीं। ये बेरा म जिला के नगरीय निकाय मन म आन बहुत अकन विकास काम मन के लोकार्पण अऊ भूमिपूजन अऊ पट्टा वितरण के कार्यक्रम घलोक होही। कलेक्टर डॉ. सर्वेश्वर नरेंद्र भूरे ह काली लोकार्पित होवइया जगा मन के निरीक्षण करिन अऊ अधिकारी मन ल हुकुम दीन। ये मौका म भिलाई आयुक्त श्री ऋतुराज रघुवंशी अऊ रिसाली आयुक्त श्री प्रकाश सर्वे संग आन अधिकारी उपस्थित रहिन।