अनुकंपा नियुक्ति के संबंध म लउहे कारवाई बर अधिकारी मन ल दीन हुकुम
रायपुर, 8 अगस्त 2024। आज मुख्यमंत्री जनदर्शन म मुख्यमंत्री श्री विष्णु देव साय ले मिले दू बहिनी मन आए रहिन। उमन कहिन कि रक्षाबंधन ले पहिली जनदर्शन म आए हे ते पाए के पहिली राखी बांधहीं। रिशी अग्रवाल अऊ सिद्धका गोस्वामी बिलासपुर अऊ बेमेतरा ले मुख्यमंत्री बर राखी लेके आए रहिन। उमन मुख्यमंत्री ल राखी बांधीन। रिशी ह बताइस कि वोखर पिता डॉ जे पी वर्मा शासकीय महाविद्यालय बिलासपुर म प्रोफेसर के पद म रहिन। ओखर निधन हो गए हे ओ ल अनुकंपा नियुक्ति वोखर शिक्षा के मुताबिक मिलय त अच्छा लगही अऊ वो ह तीसर श्रेणी के पद बर आग्रह करिस।
अइसनहे सिद्धिका गोस्वामी ह बताइस कि ओ परपोडी बेमेतरा ले हे। वोखर पिता गोडमर्रा विद्यालय म टीचर रहिस ओखर निधन हो गे अऊ अब अनुकंपा नियुक्ति बर वो ह आवेदन देहे हे।
मुख्यमंत्री ह कहिन कि आप मन राखी के पहिली मोर बर राखी लेके आए हव अऊ आप मन मोर हाथ म राखी बांध दव। छत्तीसगढ़ के सबो बहिनी मन के मया मोर उपर हे। रक्षाबंधन के तोहफा मैं आप मन ल अनुकंपा नियुक्ति के रूप म जल्दी प्रेषित करहूं।