गुरतुर गोठ //फ़िल्मी//दिल्ली। बॉलीवुड अभिनेता इरफान खान के बाद अब एक्टर ऋषि कपूर घलो 67 साल के उमर म निधन हो गे हे. ऊंखर कई दिन ले कैंसर के इलाज चलत रहिस हे, कल रथिया एचएन रिलाइंस फाउंडेशन हॉस्पिटल म भर्ती कराय गे रहिस. दो दिन म बॉलीवुड के दो बड़े हस्ति के चले जाय ले फिल्म चगत म दुःख के माहौल हो गे हे.कल रात अस्पताल म भर्ती पिता ऋषि कपूर से मुलाकात करे बर ऊंखर बेटी रिद्धिमा कपूर साहनी ह मुंबई जाय के इजाजत मांगे रहिस हे. फैशन डिजाइनर रिद्धिमा अपन परिवार के साथ दिल्ली म रहत रहिस अउ ओहा स्थानीय अधिकारि ल एही सम्बन्ध म अर्जी देके कहे रहिस कि ऊंखर ददा के तबीयत ठीक नई ये, ऐसन म ऊंखर तीर मिले जाय बर दिल्ली ले मुंबई तक के यात्रा करना चाहत रहिस ये.
सितंबर 2018 म ऋषि कपूर अमेरिका गे रहिस हे. एखर बाद 3 अक्टूबर 2018 के ऋषि कपूर ल कैंसर होय के खबर आय रहिस जेला मीडिया ले बात करत छोटे भाई रणधीर कपूर ह कंफर्म करे रहिस. येखर बाद ले लगातार कैंसर के इलाज चलत रहिस हे.
अमेरिका के कैंसर अस्पताल म ऋषि कपूर ह11 महीना अउ 11 दिन रहिस. बने अउ बड़े खुशमिजाज कलाकार रहिस ऋषि कपूर ,सब के दिल म हमेशा जिन्दा रिहीं।
मुंगेली ले गुरतुर गोठ बर दिलीप बसंत
