नदिया के पार होइस हरिय: 28 नदिया मन के पार म लगाए गीस 11 लाख पौधा

रायपुर, छत्तीसगढ़ म पाछू वर्षा ऋतु के समय ‘नदी तट वृक्षारोपण’ कार्यक्रम के तहत 28 नदिया मन के पार म करीबन 11 लाख पौधा के रोपण करे गए हे। ए रोपण ले नदिया पार के 978.785 हेक्टेयर रकबा हरीतिमा ले आच्छादित अऊ फल-फूल के पौधा ले सुरभित होही, जेन विशेष आकर्षण के केन्द्र होही।
मुख्यमंत्री श्री भूपेश बघेल के मंशा के मुताबिक वन अउ जलवायु बदलाव मंत्री श्री मोहम्मद अकबर के मार्गदर्शन म विभाग कोति ले नदी तट रोपण के काम करे गीस। इंकर रोपण कैम्पा, मनरेगा अऊ जिला खनिज न्यास निधि संग नदी तट वृक्षारोपण कार्यक्रम के तहत करे गए हे। नदी तट रोपण कार्यक्रम के तहत पउर साल नदिया मन म इन्द्रावती नदी, शबरी नदी, चक्का बुक्का नदी, महानदी, पैरी नदी, केलो नदी, ईब नदी, जोंक नदी, हसदेव नदी, तान्दुला नदी, नारंगी नदी, भंवरडीह नदी, अटेम नदी, रेड़ नदी, सेमरखाड़ नदी, भूपका नदी अऊ महान नदी सामिल हे। एखर अलावा सेन्दुर नदी, बरन नदी, मोरन नदी, सूर्या नदी, कन्हर नदी, भैसुन नदी, पथेल नदी, उभय नदी, बनास नदी, ओदारी नदी अऊ दूध नदी के तट म वृक्षारोपण के काम सामिल हे।
प्रधान मुख्य वन संरक्षक अउ वन बल प्रमुख श्री राकेश चतुर्वेदी ह बताइस कि एमां ले इन्द्रावती नदी के पार म 20 हेक्टेयर रकबा म 22 हजार पौधा, शबरी नदी तट के 5 हेक्टेयर रकबा म 5 हजार 500 पौधा, चक्का-बुक्का नदी तट के 5 हेक्टेयर रकबा म साढे पांच हजार पौधा अऊ महानदी तट के 52 हेक्टेयर रकबा म 57 हजार 200 पौधा के रोपण होय हे। अइसनहे पैरी नदी तट के 30 हेक्टेयर रकबा म 33 हजार पौधा, केलो नदी तट के 1.88 हेक्टेयर रकबा म 780 पौधा, ईब नदी तट के एक हेक्टेयर रकबा म 200 पौधा, जोंक नदी तट के 40 हेक्टेयर रकबा म 44 हजार पौधा अऊ हसदेव नदी तट के 42 हेक्टेयर रकबा म 46 हजार 200 पौधा के रोपण करे गए हे।
तान्दुला नदी तट के 30 हेक्टेयर रकबा म 33 हजार पौधा, नारंगी नदी तट के 44 हेक्टेयर रकबा म 48 हजार 671 पौधा, भंवरडीह नदी तट के 27 हेक्टेयर रकबा म 29 हजार पौधा, अटेम नदी तट के 20 हेक्टेयर रकबा म 22 हजार पौधा अऊ रेड़ नदी तट के 150 हेक्टेयर रकबा म एक लाख 65 हजार पौधा के रोपण होय हे। सेमरखाड़ नदी के 25 हेक्टेयर रकबा म 27 हजार 500 पौधा, भूपका नदी तट के 25 हेक्टेयर रकबा म 27 हजार 500 पौधा, महान नदी तट के 70 हेक्टेयर रकबा म 77 हजार पौधा अऊ सेन्दुर नदी तट के 135 हेक्टेयर रकबा म एक लाख 49 हजार पौधा के रोपण करे गए हे।
एखर अलावा बरन नदी पार के 35 हेक्टेयर रकबा म 38 हजार 500 पौधा, मोरन नदी तट के 25 हेक्टेयर रकबा म 27 हजार 500 पौधा अऊ सूर्या नदी तट के 10 हेक्टेयर रकबा म 11 हजार पौधा के रोपण होय हे। अइसनहे कन्हर नदी तट के 10 हेक्टेयर रकबा म 11 हजार पौधा, भैसुन नदी तट के 30 हेक्टेयर रकबा म 33 हजार पौधा, पथेल नदी तट के 10 हेक्टेयर रकबा म 11 हजार पौधा, उभय नदी तट के 10 हेक्टेयर म 11 हजार पौधा, बनास नदी तट के 70 हेक्टेयर रकबा म 77 हजार पौधा, ओदारी नदी तट के 25 हेक्टेयर रकबा म 27 हजार 500 पौधा अऊ दूध नदी तट के एक हेक्टेयर रकबा म 830 पौधा के रोपण होए हे।

लउछरहा..