एक सड़क दुर्घटना पूरा परिवार के आर्थिक स्थिति तोड़ देथे: न्यायमूर्ति श्री अभय मनोहर सप्रे

दुर्ग, 10 फरवरी 2024। एक सड़क दुर्घटना पूरा परिवार के आर्थिक रीढ़ तोड़ देथे ये बात माननीय न्यायमूर्ति श्री अभय मनोहर सप्रे अध्यक्ष सुप्रीम कोर्ट कमिटी ऑन रोड सेफ्टी (पूर्व न्यायमूर्ति सुप्रीम कोर्ट ऑफ इंडिया) नई दिल्ली ह दुर्ग के कलेक्टोरेट सभाकक्ष म आज संयुक्त सड़क सुरक्षा संबंधित आयोजित बैठक म कहिन। बैठक म पुलिस विभाग कोत ले पावरपाइंट प्रेजेंटेशन के माध्यम ले सड़क मन के स्थिति अउ दुर्घटना मन के कारण ल प्रदर्शित करे गीस। राष्ट्रीय राजमार्ग मंत्रालय ले चिन्हित ब्लैक स्पॉट अऊ सुधारात्मक कार्यवाही के संबंध म अवगत कराए गीस। बैठक म संभाग आयुक्त श्री एस.एन. राठौर अऊ कलेक्टर सुश्री ऋचा प्रकाश चौधरी घलोक सम्मिलित होइन।
बैठक म परिवार के आर्थिक स्थिति ल प्रभावित करइया सड़क दुर्घटना रोके बर आइडियल मॉडल बनाए बर विचार विमर्श करे गीस। ग्रामीण क्षेत्र मन के शादी म डिलीवरी वाहन मन के परिवहन उपर रोक अऊ पब्लिक ट्रांसपोर्ट ल बढ़ावा देहे म विचार करे गीस। सबो स्कूल म पढ़ईया लईका मन बर बस के व्यवस्था के संग स्कूल-कालेज अऊ कार्यालय म दुपहियां वाहन चालक मन बर हेलमेट के अनिवार्यता सुनिश्चित करे जाही। प्रेशर हॉर्न उपर कड़क कार्यवाही करे जाही, सड़क मन म घूमइया आवारा पशु मन के रोकथाम बर गौठान अउ कांजी हाऊस म व्यवस्था सुनिश्चित करे अउ सबो सड़क मन ल गुणवत्तापूर्वक बनाए उपर जोर दे गीस।
सड़क सुरक्षा अउ यातायात नियम मन के प्रति आम जनता ल जागरूक करे बर ट्रैफिक पार्क घलोक बनाए जाही। सड़क दुर्घटना होए म दुर्घटना ग्रस्त मनखे ल तुरंते उपचार (गोल्डन टाइम पर) उपलब्‍ध कराए स्वास्थ्य विभाग ल पहल करे बर निर्देशित करे गीस। बैठक म नगर निगम भिलाई के आयुक्त श्री देवेश ध्रुव, नगर निगम दुर्ग के आयुक्त श्री लोकेश चन्द्राकर, जिला परिवहन अधिकारी श्री शैलाब साहू, ट्रैफिक डीएसपी श्री सतीश ठाकुर संग लोक निर्माण विभाग, राष्ट्रीय राजमार्ग, स्वास्थ्य, शिक्षा अउ पुलिस विभाग के अधिकारी उपस्थित रहिन।