अम्बिकापुर, छत्तीसगढ़ सरकार सुगम अउ सुरक्षित सड़क के संकल्प ल साकार करे खातिर सड़क सुधार के काम मन म तेजी लावत हे। सरगुजा जिला म लोक निर्माण विभाग (भवन अऊ सड़क) अम्बिकापुर संभाग के 30 सड़क मन म कुल 195 किलोमीटर लंबाई म बी.टी. पैच रिपेयर काम करे जात हे, जेखर बर 654.85 लाख रूपिया पास होए हे। सबो रद्दा मन छै समूह म बांटके निविदा प्रक्रिया पूरा करे गए हे अऊ कार्यादेश जारी हो गे हे। अब तक 53 किलोमीटर सड़क के मरम्मत पूरा हो गे हे, जबकि बांचे 142 किलोमीटर क्षेत्र म काम दिसंबर 2025 तक पूरा करे के लक्ष्य हे।
विभाग ह बताइस के मरम्मत काम गुणवत्ता मानक के मुताबिक करे जात हे अऊ सरलग जांच ले निगरानी ठउका करे जात हे। ए सुधार काम मन के पूरा होए ले सरगुजा संग आसपास के ग्रामीण अऊ शहरी क्षेत्र मन म सड़क संपर्क अऊ परिवहन व्यवस्था पक्का होही, जेखर से नागरिक मन ल सुरक्षित अऊ निर्बाध यात्रा सुविधा मिलही।
सरगुजा म सड़क मन के सुधार काम म तेजी, दिसंबर तक पूरा होही 195 किलोमीटर मार्ग
