रायपुर, 17 फरवरी 2024। मुख्य सचिव श्री अमिताभ जैन ह आज चिप्स कार्यालय रायपुर ले जम्मो संभागायुक्त अउ कलेक्टर मन के एक महत्वपूर्ण बैठक वीडियो कांफ्रेसिंग के माध्यम ले लीन। बैठक म मुख्य सचिव ह जिला मन ले शासन के महत्वपूर्ण योजना मन के अपडेट स्थिति के समीक्षा के बाद अवइया कार्यवाही के संबंध म जरूरी दिशा-निर्देश देहे गीस।
मुख्य सचिव श्री जैन ह इही कड़ी म जिला मन ल जिला सड़क सुरक्षा समिति के बैठक हर महीना जरूर करे के निर्देश दीन। उमन जिला मन म हर महीना सड़क सुरक्षा ल लेके जन जागरुकता संबंधी कार्यक्रम घलोक आयोजित करे बर निर्देशित करिन। एमां सुगम यातायात संबंधी अलग-अलग विषय जइसे- गुड सेमीरेटन, हेलमेट, सीटबेल्ट के अनिवार्यता ड्रंक एण्ड ड्राइव आदि विषय मन म समुदाय के बीच उंखर भागीदारी सुनिश्चित करत कार्यक्रम आयोजित करे बर निर्देश दीन। मुख्य सचिव श्री जैन ह समीक्षा के समय राज्य म अकतहा जेल के जरूरत के आंकलन करके अभी हाल के जेल मन के क्षमता के विस्तार अउ नवा जेल मन के स्थापना बर जमीन अधिग्रहण के जरूरत के समीक्षा घलोक करिन।
ये वर्चुअल बैठक म सचिव गण सर्वश्री एस. प्रकाश, श्रीमती शम्मी आबिदी, श्री एन एन एक्का, अकतहा पुलिस महानिदेशक यातायात श्री प्रदीप गुप्ता अउ अध्यक्ष अंतर्विभागीय लीड एजेंसी (सड़क सुरक्षा) श्री संजय शर्मा के अलावा जम्मो संभागायुक्त, सबो जिला कलेक्टर अउ विभागीय अधिकारीगण उपस्थित रहिन।
सड़क सुरक्षा संबंधी जन जागरूकता कार्यक्रम के करव आयोजन: मुख्य सचिव श्री जैन
