सुकमा,17 अगस्त 2020। छत्तीसगढ़ म भारी बारिश होवत हे। बारिश के सेती कई जगह म बाढ़ के स्थिति आगु आवत हे। सड़क मन डूबत हे, त कई जगह ले संपर्क टूटत हे। एखर संग म आंध्र अउ तेलंगाना के बाढ़ ह छत्तीसगढ़ म असर पढत हे। सुकमा जिला ले बाढ़ के एक भयावह फोटो आगु आऐ हे। इही फोटो म सीआरपीएफ के जवान मन अपन संगवारी के शव ल कंधा म उठा के रस्ता पार करिस हे।
सुकमा नक्सल प्रभावित जिला हे। भारी बारिश अउ बाढ़ के सेती ले आस-पास के जिला ले संपर्क टूट गे हे। अइसे म नक्सल ऑपरेशन म लगे जवान मन के मुश्किल बढ़ गे हे। सुकमा जिला के अस्पताल म इलाजरत एक जवान के इलाज के दौरान मउत होगे। अोखर बाद जब सीआरपीएफ जवान ह इहा ले शव ल लेके निकले लगीस त वाहन 2 घंटा तक पानी म फसे रहीस। अइसे म जवान मन के पास कोई रस्ता नइ बचीस। स्थिति ल देखत हुए जवान मन अपन संगवारी के शव ल कंधा म रख के इंजरम नदी के पार म पहुचीस।
