रायपुर, 26 मई 2020। कोरोना वायरस (कोविड-19) के संक्रमण काल म छत्तीसगढ़ शासन कोति ले संचालित मोबाईल एप रोजगार देवइया संस्था, व्यक्तिविशेष अऊ कौशल प्रशिक्षित युवा मन के बीच एक महत्वपूर्ण कड़ी के रूप म काम करत हे।
छत्तीसगढ़ राज्य कौशल विकास प्राधिकरण कोति ले तियार रोजगार संगी मोबाईल एप ल गूगल प्ले स्टोर के माध्यम ले डाउनलोड करे जा सकत हे। ये एप के माध्यम ले छत्तीसगढ़ राज्य के कई शहर मन म स्थित उद्योग मन खुद ल पंजीकृत कर सकत हें। जेमां वो मन अपन संस्था म जरूरी कुशल श्रमिक मन के विवरण दे सकत हें। संगेच मुख्यमंत्री कौशल विकास योजना अंतर्गत प्रशिक्षित युवा खुद ल पंजीकृत करके जिला अउ राज्य म उपलब्ध रोजगार के अवसर के जानकारी ले सकत हें। ये प्रकार से अब ये एप नियोक्ता अउ कुशल कारीगर मन ल एक प्लेटफार्म मे लाय म अहम भूमिका निभावत हे। ये एप के बारे म जादा जानकारी बर राज्य के जिला मन म स्थित जिला कौशल विकास प्राधिकरण के सहायक संचालक मन ले संपर्क करे जा सकत हे।
