रोजगार पाके देवत हे परिवार म आर्थिक सहयोग

दंतेवाड़ा, 29 जुलाई 2021 बिरस्पत। माइलोगन मन हरे​क क्षेत्र म पुरुष मन संग कदम मिलाके चलत हावय। योजना ले गंवई अउ शहर तक छोटका उद्योग के स्थापना के माध्यम ले बेरोजगार मन ल अवसर प्रदान करे जावत हे। अइसनेहेच दंतेवाड़ा निवासी श्रीमती अंजुलता शर्मा ह योजना के लाभ पाके मेहनत अउ लगन ले अपन उज्ज्वल भविष्य ल संवारत हावय। बेवसाय ले 30 लाख रुपिया के वार्षिक कारोबार करत हे। जेका ले 3 लाख रुपिया के शुध्द आमदनी होथे । योजना ले मिले राशि के सही जगा निवेश करके मुनाफा कमावत हे अउ परिवार ल सहयोग देवत हे। शासन के सहयोग ले प्रधानमंत्री रोजगार सृजन योजना के अंतर्गत भारतीय स्टेट बैंक कलेक्ट्रेट शाखा दंतेवाड़ा ले 10 लाख लोन प्रकरण भेजे गइस जेमा ले ओला मार्जिन मनी राशि 3 लाख 50 हजार मिले रिहिस। श्रीमती अंजुलता शर्मा ह वित्तीय बछर 2019-20 प्रधानमंत्री मंत्री रोजगार सृजन कार्यक्रम के तहत लोन पाइस। लाभ पावत फोटोकॉपी एंड कंप्यूटर जॉब वर्क के बेवसाय शुरू करिस । फोटोकॉपी शॉप एक अइसे बेवसाय हरे, जोन कहूं भी शुरू करे जा सकत हे। एकर बाजार म मांग बहुते रहिथे । जेकर चलत मुनाफा तको अबड़ होथे। बेवसाय के बगराव करत, स्टेशनरी के तको समायोजन करे हे, जिहाँ सरकारी कार्यालय ल स्टेशनरी आपूर्ति अउ फोटोकॉपी के तको बूता करे जाथे। हर क्षेत्र म माइलोगन मन के भागीदारी बाढ़त जावत हे। शासन के अइसन योजना मन ले महिला शसक्तीकरण के दिशा कोति आगू बाढ़त हे।