जगदलपुर म प्लेसमेंट कैम्प के आयोजन

जगदलपुर, जिला रोजगार अउ स्वरोजगार मार्गदर्शन केन्द्र जगदलपुर म 10 जुलाई के दिन भिनसरहा 11 बजे ले प्लेसमेंट कैम्प के आयोजन करे जात हे। ए प्लेसमेंट कैम्प के माध्यम ले फील्ड आफिसर के 100 पद, रिस्क आफिसर के 20 पद, ब्रांच आपरेशन मैनेजर के 20 पद अउ सिक्युरिटी गार्ड के 50 पद मन म भर्ती करे जाही। जिला रोजगार अउ मार्गदर्शन केन्द्र के उप संचालक ह बताइस कि फील्ड आफिसर बर शैक्षणिक योग्यता 12 वीं पास, रिस्क आफिसर बर शैक्षणिक योग्यता बी.काम., ब्रांच आपरेशन मैनेजर बर शैक्षणिक योग्यता स्नातक अउ कम्प्यूटर के ज्ञान, अऊ सिक्युरिटी गार्ड बर 8 वीं उत्तीर्ण होना अनिवार्य हे।
गुरतुर गोठ के पढ़ईया मन लउहे ये भरती म जावव अउ अपन किस्‍मत अजमावव।