कोरबा म 19 ले 27 मार्च तक निःशुल्क स्वास्थ्य शिविर के होही आयोजन
रायपुर, मुख्यमंत्री श्री भूपेश बघेल ले आज इहां ऊंखर निवास कार्यालय म प्रधान मुख्य वन संरक्षक श्री राकेश चतुर्वेदी के नेतृत्व म रोटरी राहत मेडिकल मिशन कोरबा के प्रतिनिधि मंडल ह सौजन्य मुलाकात करिन। मुख्यमंत्री श्री बघेल ल प्रतिनिधि मंडल ह राज्य शाखा रोटरी क्लब अऊ रोटरी अंतर्राष्ट्रीय कोति ले जिला मुख्यालय कोरबा म 19 मार्च ले 27 मार्च 2020 तक आयोजित होवइया निःशुल्क स्वास्थ्य जांच अउ उपचार शिविर बर आमंत्रण दीन। मुख्यमंत्री ह शिविर के आमंत्रण अऊ एखर सफल आयोजन बर प्रतिनिधि मंडल ल अपन बधाई अऊ शुभकामना दीन।
कोरबा म आयोजित स्वास्थ्य शिविर म देश के कई क्षेत्र मन ले करीबन 100 ख्यातिलब्ध अऊ वरिष्ठतम चिकित्सक अऊ सर्जन भाग लेहीं। इंकर कोति ले मरीज मन के निःशुल्क जांच अऊ उपचार करे जाही। शिविर म मरीज मन के रूके अऊ भोजन के घलोक निःशुल्क सुविधा रइही। प्रतिनिधि मंडल म रोटरी राहत मेडिकल मिशन कोरबा के पदाधिकारी सर्वश्री संजय बुधिया, मनीष अग्रवाल, डॉ. विशाल उपाध्याय अऊ विक्रम अग्रवाल उपस्थित रहिन।
