रायपुर, लोक स्वास्थ्य यांत्रिकी मंत्री गुरू रूद्र कुमार ह आज राजधानी के ‘नीर भवन’ म राज्य स्तरीय विभागीय समीक्षा बैठक लीन। ए बैठक म समीक्षा बर विशेष करके मैदानी स्तर के सहायक अभियंता मन ल जरूरी रूप ले उपस्थित होए के निर्देश रहिस। उमन ए बैठक म अनुपस्थित सूरजपुर के कार्यपालन अभियंता ल निलंबित करे के निर्देश दीन।
मंत्री श्री रूद्र कुमार ह कुछ जिला मन कोति ले निविदा स्वीकृति के प्रक्रिया म लापरवाही बरते जाय के शिकायत उपर नाराजगी व्यक्त करिन अऊ कहिन कि कोनो प्रकार ले गुणवत्ताहीन काम अऊ काम के प्रति उदासीनता, लापरवाही बर्दाश्त नइ करे जाय। जिलेवार समीक्षा बैठक के शुरूआत बिलासपुर संभाग के पेयजल व्यवस्था ले होइस। कार्यपालन अभियंता मन कोति ले अपन जिला मन म औसतन जल स्तर नीचे जाय के सेती बंद हैंडपंप के बारे म अउ अइसे गांव जिहां पूरा हैंडपंप बंद हे तेकर जानकारी बैठक म दे गीस अऊ पेयजल के वैकल्पिक व्यवस्था उपर चर्चा होइस।
ए अवसर म विभागीय सचिव श्री डी.डी. सिंह, प्रमुख अभियंता श्री टी.जी. कोसरिया, रायपुर, जगदलपुर अऊ बिलासपुर परिक्षेत्र के मुख्य अभियंता, कार्यपालन अभियंता संग विभाग के आन अधिकारी उपस्थित रहिन।