मसाला बेच के बढ़िया आमदनी कमात हे रुखसाना

एक लाख रूपिया के मसाला बेच के समूह ल होइस 40 हजार रूपिया के आमदनी
मुख्यमंत्री ह सुपर बजार के तर्ज म विकसित बेलटुकरी रीपा के करिस निरीक्षण
बिलासपुर, मुख्यमंत्री श्री भूपेश बघेल आज अपन लोकप्रिय भेंट-मुलाकात कार्यक्रम के कड़ी म बिलासपुर जिला के मस्तूरी विधानसभा क्षेत्र के गाँव बेलटुकरी पहुंचिस। ओ ह इहां गौठान अउ सुपर बजार के तर्ज म बने रीपा के निरीक्षण करिस। मुख्यमंत्री ह रीपा म बेकरी उद्योग, दोना पत्तल उद्योग, बोरी उद्योग, फर्नीचर मार्ट, फिनाइल निर्माण फेब्रिकेशन, मसाला उद्योग, वाशिंग पाउडर निर्माण, बांस शिल्प कला समेत संचालित अनेक व्यवसायिक गतिविधि के अवलोकन करिस।
ए मौका म जय शक्ति मां स्व-सहायता समूह के अध्यक्ष सुश्री रुखसाना बानो ह मुख्यमंत्री ल बताइस के ओकर करा पहिली कुछ काम नई रहीस हे, शासन के योजना के तहत समूह के गठन करिस अउ बैंक ले 60 हजार रुपिया के ऋण ले के मसाला उद्योग के काम शुरू करिस। ओकर समूह म 10 महिला हे। सब महिला खाली समय म मसाला निर्माण के काम करथे। रुखसाना बानो ह बताइस कि ओकर समूह के महिला मन हल्दी पाउडर, धनिया पाउडर, मिरचा पाउडर, गरम मसाला असन मसाला के पैकेट तियार कर के बजार अउ आने दुकान म विक्रय करथे, ओ ह बताइस कि अब तक महज 1 साल म एक लाख रुपिया तक के मसाला निर्माण कर के बेच डारे हे। 40 हजार रुपिया के लाभ मिले हे। बैंक ऋण के राशि छूटा गए हे। ओ ह व्यवसाय म सहयोग ब अउ समूह ल बजार उपलब्ध कराए न मुख्यमंत्री श्री भूपेश बघेल ल धन्यवाद ज्ञापित करिस। ए मौका म राजस्व मंत्री अउ बिलासपुर जिला के प्रभारी मंत्री अउ राजस्व मंत्री श्री जयसिंह अग्रवाल, छत्तीसगढ़ पर्यटन मंडल के अध्यक्ष श्री अटल श्रीवास्तव समेत स्थानीय जनप्रतिनिधि अउ ग्रामीण उपस्थित रहिस हे।