भोपाल, 23 मार्च 2020। अब कोरोना वायरस के संक्रमण ल लेके फइलत अफवाह अउ दुष्प्रचार करइया मन उपर म सीधा एफ.आई.आर. दर्ज करे जाही। जानबा हे के अभी के बेरा म सोशल मीडिया के सबो प्लेटफॉर्म म कोरोना वायरस ल लेके रकम-रकम के अफवाह फैलाए जात हे। अइसन म प्रशासन घलव सख्त कदम उठावत हे। हमर प्रदेस सहित हमर जुन्ना प्रदेश मध्य प्रदेश के जबलपुर के कलेक्टर ह घलोक अफवाह फइलइया अउ दुष्प्रचार करइया मन उपर सीधा एफ.आई.आर. दरज करे के चेतावनी देहे हे।
ये संबंध म जबलपुर के जिला दण्डाधिकारी अउ कलेक्टर भरत यादव ह कहे हें के व्हाट्सअप संग सोशल मीडिया के सबो प्लेटफॉर्म म कोरोना वायरस के संक्रमण ल लेके अफवाह फइलइया अउ दुष्प्रचार करइया मन के संग ओ ग्रुप के एडमिन ल घलोक अइसन झूठ के संदेस बर जिम्मेदार माने जाही जऊन व्हाट्सअप ग्रुप म झूठ या फरजी सूचना पोस्ट करे जाही आकर उपर घलोक कारवाही करे के बात कहे हें।
