रन फार मुंगेली म उमडि़स जनसैलाब : देश-विदेश के भाग लेवईया मन ह लगाइस मैराथन म दौड़

मुंगेली 29 फरवरी 2020। जिला प्रशासन कोति ले मुंगेली सुपोषण अभियान के तहत सेहत अऊ पर्यावरण संरक्षण अउ संर्वधन बर मुंगेली जिला म पहली पइत आज 29 फरवरी के मुंगेली मैराथन (रन फार मुंगेली) के आयोजन करे गीस जिहां जनसैलाब उमड़ गए। मैराथन (रन फार मुंगेली) भिनसरहा 7 बजे ले स्थानीय थिरावन भवन ले चालू होइस। मैराथन रन फार मुंगेली म जिला के संगें-संग अन्तर रांष्ट्रीय धावक केन्या देश के श्री साइमन अऊ चकलीन संग 19 राज्य मन के दू हजार ले जादा भाग लेवईया मन ह उछाह ले दौड़ लगाइन।

ये बेरा म जिला पंचायत के नवनिर्वाचित अध्यक्ष श्रीमति लेखनी सोनू चंद्राकर, कलेक्टर डॉं. सर्वेश्वर नरेद्र भुरे, जिला पंचायत के उपाध्यक्ष श्री संजीत बनर्जी, नगर पालिका मुंगेली के अध्यक्ष श्री संतू लाल सोनकर, उपाध्यक्ष श्री मोहन मल्लाह, नगर पालिका मुंगेली के पहिली अध्यक्ष श्री अनिल सोनी अउ शलैश पाठक, जिला के पुलिस अधीक्षक श्री से.डी. टंडन, अपर कलेक्टर श्री राजेश नशीने संग कई ठन विभाग मन के जिला स्तरीय अधिकारी मन अऊ कई ठन मीड़िया के प्रतिनिधि मन ह घलोक दौड़ लगाके भाग लेवईया मन ल उत्साहित करिन। एखर पहिली जिला पंचायत के नवनिर्वाचित अध्यक्ष श्रीमति लेखनी सोनू चंद्राकर अऊ कलेक्टर डॉ. सर्वेश्वर नरेद्र भुरे ह फ्लैगऑफ करके मैराथन के शुभारंभ करिन। कलेक्टर डॉ. भुरे ह मैराथन रन फार मुंगेली म भाग लेवइया सबो मन ल अपन बधाई अऊ शुभाकानाएं दीन।