छत्तीसगढ़ के धान क्रॉफ्ट प्रोजेक्ट ल मिलीस सराहना

बालोद, ग्रामीण कला शिल्प अउ विज्ञान के थीम उपर मध्य प्रदेश के राजधानी भोपाल म आयोजित राष्ट्रीय प्रदर्शनी म छत्तीसगढ़ के स्कूली छात्र के ‘‘धान क्रॉफ्ट’’ ल मनखे मन ह अड़बड़ पसंद करिन। बालोद जिला के हायर सेकण्डरी स्कूल बड़गांव के छात्र शिव कुमार सहारे ह धान के बाली, पैरा अऊ धान के परयोग करके एखर से कई ठन कलात्मक अऊ सजावटी सामान तियार कर के ऑनलाईन प्रदर्शन करे रहिस। गांव के सुंदरता ‘‘धान क्रॉफ्ट’’ विसय उपर गांव के कला अऊ नवाचार ल ववा एमा प्रस्तुत करिस। छात्र ह विद्यालय के शिक्षिका कादम्बिनी योगेश पारकर यादव के मार्गदर्शन म ‘‘धान क्रॉफ्ट’’ प्रोजेक्ट तियार करिस। प्रदर्शनी बर छत्तीसगढ़ ले 4 प्रोजेक्ट चुने गए रहिस, जेमां रायपुर जिला ले तीन अऊ बालोद जिला के बड़गांव हायर सेकण्डरी स्कूल सामिल रहिस।
ये प्रदर्शनी 14 अउ 15 दिसम्बर के भारत सरकार के नेशनल काउंसिल फॉर साइंस एण्ड टेक्नोलॉजी कम्युनिकेशन के प्रोजेक्ट रीजनल इंडियन यंग इन्वेंटर्स एंड इनोवेशन चैलेंज 2021 अंतर्गत लगाए गए रहिस। एकर आयोजन साइंस सेंटर भोपाल म होए रिहिस।