फ्लाईऐस ब्रिक्स बेच के होइस 2 लाख रूपिया के आमदनी
फ्लाईऐस ब्रिक्स निर्माण ब मिलिस 20 लाख रूपिया के आर्डर
रायपुर, 25 जुलाई 2023
राज्य शासन के महात्मा गांधी रूरल इंडस्ट्रियल पार्क (रीपा) के तहत ग्रामीण क्षेत्र म रोजगार के नवा नवा अवसर उपलब्ध होवत हे। रीपा ले प्रदेश के दूरस्थ ग्रामीण क्षेत्र के युवा मन ल अपन घर के तिर म ही रोजगार मिलत हे, अउ उमन के जीवन म खुशहाली आइस हे। राजनांदगांव जिला के छुरिया विकासखंड अंतर्गत रूरल इंडस्ट्रियल पार्क कल्लूबंजारी म फ्लाईऐस ब्रिक्स निर्माण ले युवा मन ल रोजगार के अवसर उपलब्ध होवत हे।
रीपा ले जुड़े युवा मन ह व्यापक पैमाना म फ्लाईऐस ब्रिक्स के निर्माण कर बेचत हे। फ्लाईऐस ब्रिक्स के मांग ग्रामीण क्षेत्र म बहुतायत म हे। एकर से युवा मन ल नियमित रूप ले रोजगार मिले के संग म उमन आर्थिक रूप ले समृद्ध होवत हे।
रीपा के ए युवा मन अभी तक 69 हजार फ्लाईऐस ईटा बेच डारे हे। उहें रूरल इंडस्ट्रियल पार्क म 4 लाख 55 हजार ईटा के 20 लाख 7 हजार रूपिया के आर्डर मिल गय हे। जिला के 4 रूरल इंडस्ट्रियल पार्क म 71 हजार ईटा बनाए गए हे। जेमा के 69 हजार ईटा बेचा गए हे। ईटा के विक्रय ले 2 लाख 7 हजार रूपिया मिले हावय। रूरल इंडस्ट्रियल पार्क म फ्लाईऐस ब्रिक्स निर्माण ब मजबूत अधोसंरचना तियार करे गए हे।
Success story
Neha Rathore