आरसेटी नारायणपुर, जगदलपुर अऊ कांकेर कोति ले कोंडागांव जिला के 84 प्रशिक्षार्थी मन ल देहे जात हे प्रशिक्षण
कोण्डागांव, जिला के ग्रामीण युवा मन ल स्वरोजगार अऊ तकनीकी दक्षता ले जोड़े के दिशा म एक महत्वपूर्ण पहल करत आरसेटी (रूरल सेल्फ एम्प्लॉयमेंट ट्रेनिंग इंस्टीट्यूट Rural Self Employment Training Institute) नारायणपुर, जगदलपुर अऊ कांकेर के सहयोग ले जिला कोंडागांव के 84 युवा मन ल 30 दिन के ‘राजमिस्त्री प्रशिक्षण कार्यक्रम Mason Training Program’ संचालित करे जात हे। ए प्रशिक्षण म जिला के चुने गए प्रतिभागी मन ल भवन निर्माण के बारीकी, गुणवत्ता नियंत्रण, सुरक्षा मानक अऊ आवासीय योजना संबंधी काम मन के व्यावहारिक जानकारी देहे जात हे। ए प्रशिक्षण के उद्देश्य न केवल युवा मन ल आत्मनिर्भर बनाना हे, बल्कि जिला म चलत आवास योजना मन ल कुशल श्रमिक मन के माध्यम ले गुणवत्तापूर्ण रूप ले पूरा कराना घलोक हे।
भविष्य म मिलही बड़का लाभ
अभी हाल म प्रधानमंत्री आवास योजना (ग्रामीण) के अंतर्गत जिला म बड़का संख्या म घर निर्माणाधीन हे। तकनीकी रूप ले प्रशिक्षित मिस्त्रि मन के उपलब्धता ले न केवल निर्माण काम के गुणवत्ता म सुधार होही, बल्कि समयबद्ध क्रियान्वयन घलोक ठउका करे जा सकही। एखर से भविष्य म कोण्डागांव जिला म आवासीय योजना मन के प्रगति अऊ सुदृढ़ होही, जेखर से ग्रामीण क्षेत्र म रहइया हजारों परिवार मन ल जल्दी पक्का घर उपलब्ध हो सकही। जिला प्रशासन कोति ले ये उदीम न केवल रोजगारपरक हे, बल्कि ये ग्रामीण बुनियादी संरचना ल मजबूत करे के दिशा म घलोक एक मील के पत्थर साबित होही।
प्रशिक्षण बाद मिलही प्रमाण पत्र अऊ रोजगार के अवसर
प्रशिक्षण पूरा करइया युवा मन ल प्रमाण पत्र देहे जाही, जेखर से ओ मन ल कई ठन सरकारी निर्माण काम मन म प्राथमिकता के संग कार्य करे के अवसर मिल सकही। संगेच इच्छुक युवा निजी स्तर म घलोक काम चालू करके स्वावलंबन कोति बढ़ सकहीं।
जिला प्रशासन अऊ आरसेटी के अभिनव प्रयास
जिला प्रशासन, जिला पंचायत कोंडागांव अऊ आरसेईटीआई संस्थान मन के ये संघरा उदीम ग्रामीण विकास के दिशा म एक सशक्त पहल हे, जेकर लंबा समय तक व्यापक सामाजिक अऊ आर्थिक प्रभाव देखे ल मिलही।
