ट्रैफिक नियम मन के जानकारी बर हाट-बाजार मन, स्कूल-कालज मन म चलही जागरूकता अभियान
कौशल विकास योजना ले ड्रायविंग के मिलही प्रशिक्षण
परिवहन विभाग के समीक्षा बैठक
रायपुर, मुख्यमंत्री श्री भूपेश बघेल ह आज परिवहन विभाग के अधिकारी मन ल राज्य स्तरीय विभागीय बैठक म वाहन दुर्घटना मन म कमी लाय बर ग्रामीण क्षेत्र मन म विशेषकर हाट-बाजार म अऊ स्कूल-कालेज मन म ट्रैफिक नियम मन के प्रति जागरूकता बर अभियान चलाये के निर्देश दीन। उमन कहिन के कौशल विकास प्रशिक्षण योजना के माध्यम ले ड्राइविंग के प्रशिक्षण ल बढ़ावा देहे जाय जेखर से छत्तीसगढ़ के युवा न केवल कुशलतापूर्वक वाहन चला सकंय, भलुक ओ मन ल परिवहन के व्यापक क्षेत्र म रोजगार के बेहतर अवसर मिल सकय। एखर से नगरीय अऊ ग्रामीण क्षेत्र मन म बल्कि औद्योगिक अऊ खदान क्षेत्र मन म बड़ संख्या म प्रशिक्षित ड्रायवर मन के मांग के पूर्ति घलोक हो सकही।
ता हे। यात्री घर ले निकलके अपन गंतव्य स्थान म सुरक्षित पहुंचय ये हमर उद्देश्य होना चाही। उमन कहिन के हाल के बछर म गाड़ी मन के संख्या म बिक्कट बढ़ोतरी होए हे अऊ नवा वाहन मन के स्पीड जादा होए के सेती सड़क दुर्घटना बाढ़े हे। उमन अभियान मन म ट्रैफिक नियम मन के संगें-संग हेलमेट, सीट बेल्ट आदि के उपयोग बारे म घलोक जागरूक लाए ल कहिन। श्री बघेल ह कहिन के परिवहन विभाग के अधिकारी सड़क सुरक्षा बर निरधारित मानक के जरूरी पालन करवावंय। ये देखे गए हे के खदान क्षेत्र अऊ औद्योगिक क्षेत्र म भारी वाहन मनम अनिवार्य रूप ले नंबर प्लेट, पार्किंग लाइट आदि नइ होवय जेखर सेती दुर्घटना होथे। उमन कहिन सबो प्रकार के ड्राइविंग लाइसेंस वाहन चालक मन के प्रशिक्षण के बाद ही जारी करे जाय।
मुख्यमंत्री ह खदान अऊ औद्योगिक क्षेत्र मन म ओव्हरलोडिंग रोके प्रभावी कदम उठाए बल दीन। उमन ए संबंध म सबो धर्मकांटा (वे-ब्रिज) ल आपस म कम्प्यूटर के माध्यम ले जोड़े के निर्देश दीन। अधिकारी मन ह बताइस के वे-ब्रिज ल आपस म जोड़े ले परिवहन विभाग ल ओव्हरलोडिंग के जानकारी आनलाइन मिल सकही। उन्हें एखर माध्यम ले आनलाइन चालान अऊ आन मोटर व्हीकल एक्ट के प्रावधान मन के क्रियान्वयन म मदद मिलही।
मुख्यमंत्री ह आम नागरिक मन ल सुग्घर आवागमन के सुविधा बर जादा ले जादा सिटी बस मन ल नगरीय सीमा के परिधि म चलाए जाय म जोर दीन। उमन कहिन के परमिट जारी करत समय ग्रामीण क्षेत्र मन म बस चलाय के इच्छुक युवा मन ल घलोक अवसर देवाए बर प्रयास करव।
मुख्यमंत्री ह अटलनगर म निर्माणाधीन इंस्टीट्यूट आफ ट्रेनिंग एण्ड ड्रायविंग के बारे म जानकारी लीन अऊ अधिकारी मन ल एला जल्दी पूरा कराए के निर्देश दीन। अधिकारी मन ह बताइन के ये इंस्टीट्यूट अवईया दिसंबर महिना तक पूरा हो जाही।