मुख्यमंत्री ह मिनीमाता सुरता दिवस म ’सद्भावना कलम’ के विमोचन करीन

रइपुर, 11 अगस्त 2021 बुधवार। मुख्यमंत्री दाउ भूपेश बघेल ह पूर्व सांसद मिनीमाता के सुरता दिवस म आज अपन घरू कार्यालय ले वीडियो कॉन्फ्रेंसिंग ले गुरू घासीदास साहित्य अउ सांस्कृतिक अकादमी कोति ले होवइया कार्यक्रम म राजश्री सद्भावना समिति कोति ले तियार ’सद्भावना कलम’ के विमोचन करीन। मिनीमाता सुरता दिवस कार्यक्रम म समाज के प्रतिभा मन ल सद्भावना कलम ले सम्मानित करे जाहीं। विमोचन के बेरा म नगरीय प्रशासन मंत्री डॉ शिव कुमार डहरिया विशेष रूप ले संघरे रिहिन। कार्यक्रम जगा म गुरु घासीदास साहित्य अउ सांस्कृतिक अकादमी के अध्यक्ष श्री के. पी. खांडे, साहित्यकार डॉ.जे.आर.सोनी, श्री डी.एस.पात्रे, नगर निगम रायपुर के एमआईसी मेम्बर श्री सुंदर जोगी, श्री चेतन चंदेल संग सतनाम पंथ के अनुयायी मन संघरीन।