सद्गुरू कबीर आश्रम सेलुद के संत समागम कार्यक्रम म संघरिस मुख्यमंत्री श्री भूपेश बघेल
आश्रम स्थल म डोम निर्माण के घोषणा
रायपुर, मुख्यमंत्री श्री भूपेश बघेल ह कहिस हे कि संत कबीर अईसे महान संत हे, जे ह समाज म फईले सामाजिक आडम्बर अउ अंधविश्वास म कड़ा प्रहार करिस अऊ समाज ल जागरूक कर के एकसूत्र म पिरोए के काम करिस। ओ ह कहिस कि 650 बरस बीते के बाद भी ओकर वाणी आज भी प्रासंगिक हे। श्री बघेल आज दुर्ग जिला के पाटन विकासखण्ड के ग्राम सेलूद के सद्गुरू कबीर आश्रम म आयोजित संत समागम ल सम्बोधित करत रहिस हे। ए मउका म ओ ह सद्गुरू कबीर आश्रम म डोम निर्माण के घोषणा करिस।
मुख्यमंत्री कहिस कि सद्गुरू कबीर प्रेम के अनुरागी रहिस हे। ओ ह जाति, धर्म ले परे मानव ले मानव ल जोडे़ अउ ओमन ल एकसूत्र म बांधे के काम करिस। संत कबीर के वाणी, दोहा के माध्यम ले अनंत काल तक समाज के पथ प्रदर्शन करत रही। ओ ह कहिस कि छत्तीसगढ़ सरकार ह तको सन्त मन के बताए रद्दा म चल के शिक्षा, स्वास्थ अउ संस्कृति आदि क्षेत्र म काम करत हे। एकर ले पहिली संत समागम म मुख्यमंत्री ह सद्गुरू कबीर जी के प्रतिमा म पुष्प अर्पित कर के नमन करिस। कार्यक्रम स्थल मंे साहित्य वेदान्ताचार्य सुकृत साहेब शास्त्री, संचालक छोटे महन्त परमेश्वर दास साहेब, अध्यक्ष सन्त भूपत साहेब, जिला सहकारी केंद्रीय बैंक अध्यक्ष श्री राजेंद्र साहू, जिला पंचायत उपाध्यक्ष श्री अशोक साहू, कृषि उपज मंडी के अध्यक्ष अश्विनी साहू अउ अन्य जनप्रतिनिधि अउ बडे़ संख्या म श्रद्धालुगण उपस्थित रहिस हे।