– सार्वजनिक जगा मन म मनखे मन ह करिन साफ-सफई
दुर्ग, 13 दिसम्बर 2023/ विकसित भारत संकल्प यात्रा के तहत जिला म आज स्वच्छ भारत अभियान कार्यक्रम के आयोजन नगरीय अउ ग्रामीण क्षेत्र मन म करे गीस। जानबा हे कि विकसित भारत संकल्प यात्रा के तहत जिला म स्वच्छ भारत अभियान के आयोजन करके मनखे मन ल स्वच्छता के प्रति जागरूक करे के विशेष पहल करे जात हे। जिला के सबो गांव मन म स्वच्छता कार्यक्रम के आयोजन करे गए हे। जेमां सबो वर्ग के मनखे मन ह बढ़-चढ़के भाग लेके ये अभियान म अपन सक्रिय सहभागिता सुनिश्चित करिन। जिला के 300 ग्राम पंचायत मन म विकसित भारत संकल्प यात्रा के तहत ग्राम के प्रमुख जगा के साफ-सफाई करे गीस। ग्राम पंचायत के चौक-चौराहा, स्कूल परिसर, आंगनबाड़ी परिसर अउ बाजार के सफाई करे गीस। स्वच्छता अभियान म जनप्रतिनिधि, गणमान्य नागरिक, ग्रामीणजन संग सरपंच, सचिव, आंगनबाड़ी कार्यकर्ता, स्वच्छताग्राही महिला स्वसहायता समूह, कर्मचारी बढ़-चढ़के अपन सहभागिता निभावत हें। एखर अंतर्गत जनसामान्य ल घर, सड़क अऊ सार्वजनिक जगा ल स्वच्छ रखे, स्वच्छता ले जुड़े बीमारी मन ल नियंत्रित करे, स्वस्थ अऊ स्वच्छ भविष्य कोति कदम बढ़ाए बर प्रेरित करे अऊ स्वच्छता के महत्व के बारे म शिक्षा, शौचालय के उपयोग सुनिश्चित कराए बर जनजागरूकता कार्यक्रम आयोजित करे जात हे। एखर से जनसामान्य म खुशी के माहौल हे। ग्राम अउ शहर स्वच्छता कोति अग्रसर हे। अभियान कार्यक्रम के तहत सार्वजनिक स्थल अउ तालाब के साफ-सफाई करे गीस। स्वच्छताग्राही महिला स्वसहायता समूह कोति ले घर-घर कचरा सकेले के काम तको करे गीस।
विशेष स्वच्छता कार्यक्रम के तहत् जिला म 12 ले 16 दिसंबर 2023 तक विशेष स्वच्छता अभियान के आयोजन करके मनखे मन ल स्वच्छता के प्रति जागरूक करे के विशेष पहल करे जात हे। इही कड़ी म जिला म स्वच्छ भारत अभियान के तहत विशेष स्वच्छता कार्यक्रम के आयोजन ग्रामीण क्षेत्र मन म करे गीस।
