रायपुर, 13 मार्च 2020। मुख्यमंत्री श्री भूपेश बघेल ह आज डोंगरगढ़ म रोप-वे के उद्घाटन के बाद कहिन कि कोरोना वायरस ले बचाव म ही सुरक्षा हे। पूरा दुनिया म कोरोना वायरस के प्रकोप हे। बड़ संख्या म मनखे एखर से प्रभावित हे। अभी तक एखर बर कोनो दवाई नइ निकले हे। बचाव म ही सुरक्षा हे।
मुख्यमंत्री ह कहिन कि कोरोना वायरस ले बचाव बर जिहां हमन स्कूल, कॉलेजों ल बंद करे के फैसला करे हन। आंगनबाड़ी ल बंद रखे बर घलोक आदेश देहे गए हे। आज विधानसभा म आयोजित कार्यमंत्रणा समिति के बैठक म ये तय करे गीस कि विधानसभा के बजट सत्र 25 मार्च तक स्थगित रखे जाय। विधानसभा अध्यक्ष 16 मार्च ल सदन म ये निर्णय के विधिवत घोषणा करहीं।
