पुलिस के पहिली प्राथमिकता महिला के सुरक्षा होना चाही: श्री रतन लाल डांगी

महिला सुरक्षा अउ ओमन के विरुद्ध घटित अपराध के प्रति जागरूक करे ब कार्यशाला के आयोजन
रायपुर, नेताजी सुभाष चंद्र बोस पुलिस अकादमी चंद्रखुरी म छत्तीसगढ़ राज्य के कई जिला के विवेचक अउ राजपत्रित अधिकारी मन ल महिला सुरक्षा अउ ओमन के विरुद्ध घटित अपराध के प्रति जागरूक करे ब कार्यशाला के आयोजन करे जाथ हे।
राष्ट्रीय अपराध एवं अन्वेषण ब्यूरो के निर्देशन म आयोजित पाँच दिवसीय कार्यशाला के उद्घाटन अवसर म संबोधित करत हुए अकादमी के निदेशक श्री रतन लाल डांगी ह ये बात कहिस। श्री डांगी ह कहिस कि जब तक महिला मन म ओमन के विरुद्ध घटित होए वाले घटना के भय अउ डर सिरा नई जाही तब तक ले न तो समाज अउ न ही राष्ट्र के विकास हो पाही।
ओ ह कहिस कि महिला मन के प्रति बाढ़त हुए अपराध म नियंत्रण राखे ब पुलिस के विवेचक अउ राजपत्रित अधिकारि मन के ए जिम्मेदारी होथे के ओमन महिला संबंधी कोनो भी प्रकार के अपराध घटित होए के सूचना मिलते संग तत्काल अपराध दर्ज कर विवेचना करके अपराधि मन के खिलाफ मामला ल ठोस सबूत के संग न्यायालय म पेश करे ।
कार्यशाला ल संबोधित करत हुए ओ ज कहिस कि पुलिस ल सार्वजनिक स्थान जईसे स्कूल, कॉलेज, बस स्टैंड, भीड़-भाड़ वाले स्थान, बज़ार चाहे अन्य जघा म जिहाँ महिला मन के उपस्थिति बने रईथे, सरलग पुलिस के द्वारा अपन उपस्थिति दर्ज करा के असामाजिक तत्व के उपर नजर राखना चाहिए। ओ ह अउ कहिस कि पुलिस अधिकारी मन ल ए बात म घलो गर्व महसूस करना चाहिए कि भगवान ह ओमन ल मनखे मन के सुरक्षा करे के मउका देहे हे। पुलिस के रूप म आम नागरिक अउ कमज़ोर लोग मन के सुरक्षा ब आप मन ल अवसर दिए हे। ए दायित्व के पुरती आप मन ल शासन ह वैधानिक अधिकार घलो दिए हे । ओ सब अधिकार के सदुपयोग करके महिला मन म आत्म-विश्वास जगाना चाहिए।
ए पाँच दिवसीय कार्यशाला म जम्मो पुलिस अधिकारी मन ल महिला मन ले संबंधित कानूनी प्रावधान म नवीनतम संशोधन अउ वैज्ञानिक अनुसंधान के प्रक्रिया ले अवगत कराय जाही। अउ संग म माननीय न्यायालय द्वारा प्रसारित दिशा निर्देश के संबंध म घलो बताय जाही।
ए कार्यशाला म पुलिस विभाग के वरिष्ठ अधिकारी घलो उपस्थित रहिस हे।