रइपुर, 05 अप्रैल 2021 सम्मार। राज्यपाल सुश्री उइके हेमचंद यादव विश्वविद्यालय दुरूग के ऑनलाईन स्वर्णपदक वितरण अउ सम्मान समारोह म संघरीन। सफलता के कोनो शार्टकट नहीं, सफलता के मंत्र केवल ईमानदारी ले कठोर परिश्रम करना हे,येकर ले सफलता बजुर मिलथे। आशावादी रहैं अउ भविष्य म कठोर परिश्रम करैं।
राज्यपाल ह हेमचंद यादव विश्वविद्यालय, दुरूग के बछर 2017-18 अउ बछर 2018-19 के परीक्षा मन म प्रावीण्य सूची म सर्वप्रथम जगा पवइया जम्मो छात्र-छात्रा मन ल ऑनलाईन स्वर्णपदक बांटिन अउ उन्मन ल हार्दिक बधई अउ शुभकामना दीन। ये बेरा म राज्यपाल ह विश्वविद्यालय के कुलगीत के तको विमोचन करीन।
राज्यपाल ह आग्रह करत कहीन कि आप सबो कोविड-19 प्रोटोकॉल के कड़ई ले पालन करत मास्क लगावव, सेनेटाइजर के प्रयोग अउ सोशल डिस्टेंसिंग के ध्यान रखच। संगे —संग उन मन कहीन कि अवइया एक सप्ताह पश्चात नवरात्रि के परब आरंभ होवइया हे। ये अवसर मोर कामना हे कि आप सबो स्वस्थ रहव अउ हमर देश अउ प्रदेश कोरोना संक्रमण ले लउहे मुक्त होवय।
कार्यक्रम म उच्च शिक्षा मंत्री श्री उमेश पटेल, उच्च शिक्षा विभाग के सचिव श्री धनंजय देवांगन अउ कुलपति श्रीमती अरूणा पल्टा ह तको अपन संबोधन दीन।
