मुंगेली 21 मई 2020// वर्तमान म वैश्विक स्तर म फैले कोरोना वायरस के संक्रमण के रोकथाम खातिर जन प्रतिनिधि मन घलो आगु आए हावयं। मुंगेली जिला कांग्रेस अध्यक्ष श्री सागर सिंह बैस के नेतृत्व म जिला पंचायत अध्यक्ष लेखनी चंद्राकर, जिला पंचायत उपाध्यक्ष संजीत बनर्जी, हेमेंद्र गोस्वामी, जागेश्वरी वर्मा, आत्मा सिंह क्षत्रिय, स्वतंत्र मिश्रा, भागवत साहू, देवी जायसवाल, नागेश गुप्ता सहित जन प्रतिनिधिमन आज कलेक्टर स्थित कक्ष म कलेक्टर डाॅ. सर्वेश्वर नरेंद्र भुरे ल 500 नग मास्क भेंट करिन । कलेक्टर डाॅ. भुरे ह जन प्रतिनिधि के प्रति आभार व्यक्त करिन अउ कहिन कि जन प्रतिनिधि द्वारा भेंट करे गय मास्क नोवेल कोरोना वायरस के संक्रमण के रोकथाम अउ बचाव बर सार्थक साबित होही।
मुंगेली ले दिलीप बसंत