मुख्यमंत्री विस्नु देव साय ले साहू समाज के नवा पदाधिकारी मन ह करिन भेंट-मुलाकात

मुख्यमंत्री विस्नु देव साय ले पिछिले दिन छत्तीसगढ़ विधानसभा भवन मा साहू समाज के एक प्रतिनिधिमंडल ह सौजन्य मुलाकात करिस। मुख्यमंत्री ह साहू समाज के नवा चुने गे पदाधिकारी मन ला बधाई अउ सुभकामना दीन।
​ये मउका मा उपमुख्यमंत्री अरुण साव, विधायक ईस्वर साहू अउ विधायक इंद्र कुमार साहू घलो संग मा मौजूद रहिन। मुलाकात करे बर नवा चुने गे प्रांतीय अध्यक्ष डॉ. नीरेंद्र साहू, उपाध्यक्ष सत्यप्रकाश साहू, गिरजा साहू, नारद साहू, नन्द लाल साहू अउ चंद्रभूषण साहू के संग-संग राज अउ जिला स्तर के नवा पदाधिकारी मन रायपुर पहुँचे रहिन। मुख्यमंत्री ह समाज के विकास बर सबो ला मिल-जुल के काम करे के गोठ कहिन।