सैनिक भर्ती रैली के पहिली दिन करीबन साढ़े तीन हजार जवान होइन उपस्थित

दुर्ग, 04 मार्च 2021। जिला म चलत आर्मी भर्ती रैली म पहिली दिन करीबन साढ़े तीन हजार अभ्यर्थी उपस्थित रहिन। ये मौका म प्री-हाइट बर करीबन 2000 जवान मन ह क्वालिफाई करिन। संगेच करीबन 270 जवान मन ह दौड़ म क्वालिफाई करिन। ये मौका म प्रदेश के आर्मी रिक्रूटमेंट के डायरेक्टर, सेना मेडल, कर्नल श्री एस. रमेश के मानिटरिंग म भर्ती रैली होइस। भर्ती स्थल म सुविधा मन के निरीक्षण करे बर कलेक्टर डॉ. सर्वेश्वर नरेंद्र भुरे घलोक पहुँचिन। उमन अधिकारी मन ल जवान मन बर जरूरी सुविधा के सरलग मानिटरिंग के निर्देश दीन। ये बेरा म अपर कलेक्टर श्री बीबी पंचभाई, एसडीएम श्री खेमलाल वर्मा अउ उपसंचालक जनशक्ति नियोजन श्री राजकुमार कुर्रे, मेजर श्री सुलेमान हुसैन घलोक उपस्थित रहिन।