मुंगेली, 21 अप्रैल 2020। प्रदेश के एक मात्र सैनिक स्कूल अम्बिकापुर बर सत्र 2020-21 मे कक्षा 6 वीं अउ 9वीं मे भर्ती होय बर परीक्षा परिणाम घोषित कर दिये गे हे। कक्षा 6 वीं अउ 9वीं म भर्ती होय बर छंटाय लइका मन के सूची के साथ-साथ प्रतीक्षा सूची घलो जारी करे गे हे। जे लइका के सलेक्सन होय हे ओखर परीक्षा परिणाम बर सैनिक स्कूल अम्बिकापुर के वेबसाइड www.sainikschoolambikapur.org.in म देखे जा सकत हे।
सैनिक स्कूल अम्बिकापुर के प्राचार्य ह दाई ददा अउ घर के मुखिया ल ऊंखर लइका के परीक्षा परिणाम ल ऑफिस वेबसाइड ले मिलान करे के अनुमति दे हवे। प्राचार्य ह चयनित लइका ल कक्षा 6 वीं अउ 9 वीं में भर्ती करे बर भर्ती तिथि के सूचना अलग से पंजीकृत डाक के माध्यम ले देय जाही ये बात कहें हावयं। ये सम्बन्ध म अउ जानकारी चाही त दूरभाष क्रमांक 07774-261609 अउ 7747032999 ले संपर्क करे जा सकत हे।
मुगेली ले गुरतुर गोठ बर दिलीप बसंत
