सजग के आडियो ले दाई-ददा मन सीखत हें लईका मन ल सफल जीवन बर तियार करे के मंतर

रायपुर, 04 मार्च 2021। महिला अउ बाल विकास विभाग अऊ यूनिसेफ के सहयोग ले सजग कार्यक्रम के तहत अभिभावक मन बर तियार करे गए आडियो जीवन के चुनौतियां ह लइका मन के सफल जीवन बर तियार करना सिखावत हे। सजग के अब तक 32 कड़ी के प्रसारण हो गए हे। सजग के ऑडियो म लइका मन के सही परवरिश के सुझाव वाले गोठ-बात अऊ कहानी अऊ गीत रहिथे। ये आडियो विभागीय अधिकारी मन नियमित अंतराल म कार्यकर्ता मन ल उपलब्‍ध कराथें अऊ ऊंखर माध्यम ले आडियो संदेश अभिभावक मन तक पहुंचत हे। लइका मन म सकारात्मक प्रभाव परईया संदेश मन न ल सिरिफ दाई ददा मन पसंद करत हें भलुक सुनके प्रेरित घलोक होवत हें।