धमतरी 24 अप्रैल 2021 शनिच्चर । कोरोना वायरस ले संक्रमित होने के पीछू सकारात्मक सोच] कोविड के नियम मन के पालन अउ चिकित्सक मन डाहर ले सरलग देहे जावत के सही तरीका ले अनुसरण करत कोरोना के जंग ल जीते जा सकत हे। अइसनेहे जिला के श्री विष्णु पटेल] श्री अरूण कुमार साहू अउ श्री दुबेश्वर बिसेन लोगन मन ले अपन विचार साझा करीन हे । धमतरी के हटकेशर वार्ड निवासी 65 बछर के श्री विष्णु पटेल ह कहीन कि बुखार] खांसी–सर्दी होए म कोविड जांच कराईन। रिपोर्ट कोविड पाजीटिव आए म उन जिला अस्पताल स्थित कोविड सेंटर म भर्ती होइन जिहां ले ठीक होके घर लहुट गे हे । उन्कर कहना हे अब वोमन बने हे] थोरके कमजोरी हे जउन हे समे के संग संतुलित खानपान] रहन–सहन अउ कोविड के नियम मन के पालन करत रहे ले बजुर दूर हो जाही। धमतरी के ग्राम कोडापार के 40 बछर के श्री अरूण कुमार साहू बताइन कि बीमार पड़े म उन अबड़े घबराए रिहिन] फेर चिकित्सक अउ स्वास्थ्य कर्मी मन के सहयोगात्मक रवैया] कोविड के नियम का कड़ई ले पालन अउ सकारात्मक सोच के सेति आज वोह सही– सलामत घर म हे।
अइसनेहेच नगरी के ग्राम भैंसासांकरा के श्री दुबेश्वर बिसेन मन कोरोना जांच कराईन, रिपोर्ट पाजीटिव आए म छः दिन तक होम आइसोलेशन म रहीके स्वास्थ्य लाभ लेवत रिहिन । सातवां दिन दस्त के शिकायत होए म तुरते कोविड अस्पताल नगरी म भर्ती होइन । जिहां सात दिन के इलाज म स्वस्थ होके घर लहुट गे । उन मन हाँसी –खुषी सब ल समझाइस देवत कहीन कि कोरोना ले डेरावय झन, सकारात्मक सोच अउ चिकित्सक मन के बताए बचाव के उपाय ल गंभीरता ले अपनावय । बज्जुर कोरोना ले जंग जीते जा सकत हे । बीमारी ले ठीक होए के पीछू तको मास्क के उपयोग] सामाजिक दूरी के नियम के संगे –संग साफ सफई के धियान रखयं।