सकारात्मक सोच के रहिते होम आइसोलेशन म पुलिस महानिरीक्षक श्री डांगी हराइन कोरोना ल

बेलासपुर, 19 अप्रैल 2021 सम्मार। सकारात्मक सोच, अनुशासित दिनचर्या, योगाभ्यास, प्राणायाम, व्यायाम अउ जरूरी दवा मन ले होम आइसोलेशन म रहिते बिलासपुर रेंज के पुलिस महानिरीक्षक श्री रतनलाल डांगी ह एके हफ्ता म कोरोना ल हरो दीन।
श्री डांगी के कहना हे कि अइसन कठिन बेरा म हमन ल अपन आप ल हरेक​ किसम के संकट ले जूझे बर तियार रखना हे। हमर हौसला मजबूत होही तभेच कोरोना हम ल नइ हरो सकय । कोविड संक्रमित होय म घबराए के जरूरत नइ हे । होम आइसोलेशन म डॉक्टर के सलाह के शत-प्रतिशत पालन करैं। चिंता झन करैं अउ सकारात्मक रहैं।
श्री डांगी ह बताइन कि संक्रमण के बेरा उन मन अपन दिनचर्या ल अनुशासित रखत शाकाहारी भोजन लीन । काढ़ा अउ हरदी मिले दूध तको लेवत रिहिन । मोटिवेशनल वीडियो देखत रिहिन अउ समाचार देखत, किताब मन ल पढ़त रिहिन। एकर ले नवा ऊर्जा के संचार होइस, जेकर ले ओमन कोरोना के प्रकोप ले लउहे मुक्त हो सकीन।