रइपुर, 26 जनवरी 2021 शुकवार । छत्तीसगढ़ राज्य महिला आयोग के अध्यक्ष डॉ. किरणमयी नायक ह आज शास्त्री चौक रायपुर स्थित आयोग कार्यालय म महिला मन ल ले सम्बंधित प्रकरण मन के सुनवई करीन। सुनवाई के दौरान प्रस्तुत प्रकरण म आवेदिका के शिकायत कि ओकर पति ह बिना तलाक लिये सखी सेंटर कोण्डागांव के केन्द्र प्रशासिका ले दूसरइया बिहाव कर लिये हे । सखी सेंटर के प्रशासिका पद म पदस्थ रहिते अनावेदिका ह आवेदिका के मामला म कार्यवाही करे के जगा म जानबूझके धोखाधड़ी कर दस्तावेज गायब कर दीन। केन्द्र प्रशासिका ह आयोग के आगू म स्वीकार करीन कि वो ह अनावेदक संग दूसरइया बिहाव करे हावय । आवेदिका के शिकायत सही पाए गइस अइसन दशा म आयोग ह महिला बाल विकास के सचिव ल केन्द्र प्रशासिका के खिलाफ कार्यवाही करे जाए के अनुशंसा करीन हे।
दू ठिन आने प्रकरण मन म दूनों पक्षकार मन ह आपसी सहमति ले तलाकनामा अउ अंतिम भरण-पोषण के राशि देहे के सहमति दीन अउ विधिवत दूनों पक्ष न्यायालय म तलाक के आवेदन प्रस्तुत करे बर सहमत होइन। आयोग के आगू म आवेदिका ल समाज ले बहिष्कृत करे के एक ठो प्रकरण म अनावेदकगण मन ह आवेदिका ल गांव, समाज ले बहिष्कृत करे के आरोप ले इनकार करत कहीन कि ये संबंध म कोनो बइठका नइ होए हे।। ये म अनावेदकगण मन ल आवेदिका के बेटी के वैवाहिक कार्यक्रम म कोनो रोक नइ लगाए अउ कोनो तरह ले दुर्व्यवहार नइ करे के समझाईश देहे गइस। आवेदिका ल तको सब संग मिल-जुल के रेहे बर समझाके प्रकरण के निराकरण करे गइस ।
एक ठो प्रकरण म आवेदिका ह 181 के प्रभारी के विरूद्ध शिकायत करीन हे। प्रभारी ने बताइन कि 181 के संचालन ट्रस्ट के मैनेजमेंट करथे। येमा अनावेदिका ल अवइया सुनवई म ट्रस्ट के बड़का पदाधिकारी ल उपस्थित कराए या आयोग ल कर्मचारी के नाम देहे बर कहे गे हे ताकि विधिवत तरीका ले कार्यवाही करे जा सकै। अनावेदिका ल येहू तको समझाय गइस कि ये प्रकरण के निराकरण तक आवेदिका के विरूद्ध कार्यवाही झन करयं। आवेदिका ल तको विभागीय आदेश के पालन अउ कोनो किसम के शिकायत होए म ट्रस्ट ल मेल के माध्यम ले आपत्ति दर्ज करावत एक प्रति आयोग म भेजना सुनिश्चित करे बर कहे गे हवय ।
