ओड़गी निवासी महेश्वरी बर सक्षम योजना बनिस सहारा पति के मृत्यु के बाद नइ रहिस आय के साधन

सूरजपुर, महिला अउ बाल विकास विभाग के सक्षम योजना ले जिला के कई घर म नवा अंजोर बगरे हे, एकर से महिला मन योजना के लाभ प्राप्त करके आर्थिक रूप ले सक्षम बनत हें। अइसन महिला जेमन अपन पति के रूप म जीवन के आशा घलोक छोड़ देहे रहिन, ऊंखर बर सक्षम योजना एक वरदान साबित होवत हे, जेखर जीवित उदाहरण पेश करत ओड़गी विकासखण्ड के महेश्वरी आज सक्षम योजना के लाभ पाके अपन घरेलू जीवन ल सुख अऊ संतोष ले व्यतीत करत हे।
महेश्वरी के बताती वोकर परिवार म माता जी, 3 लइका संतोष उमर 22 साल, जसवंत सिंह 18 साल, आशिष 16 साल हे। परिवार के आर्थिक स्थिति सामान्य हे। किराना दुकान अऊ खेती ले घर के खरचा चलथे। 28 मई 2021 के कुंआ खोदाई के काम करत बेरा अचानक मिट्टी गिरे ले वोकर पति के उही बेरा दबके मृत्यु हो गए रहिस। एखर बाद जिला प्रशासन के टीम कलेक्टर डॉ. गौरव कुमार सिंह, जिला पंचायत सीईओ श्री राहुल देव, एसपी श्रीमती भावना गुप्ता, महिला अउ बाल विकास विभाग के कार्यक्रम अधिकारी श्री चन्द्रबेश सिसोदिया, परियोजना अधिकारी अउ आन अधिकारी, कर्मचारी मुलाकात करे आए रहिन। उमन मोर समस्या ल जानिन अऊ कार्यक्रम अधिकारी ह सक्षम योजना के जानकारी दीस। जेखर बाद आवेदन करेंव अउ तीसरेच दिन खुद के व्यवसाय चालू करे बर एक लाख के लोन मिल गे अऊ किराना दुकान खोलेंव। जेखर से खरचा चलत हे। थोकन खेती घलोक हे। एक दिन म 700 ले 1000 रूपिया तक के बिक्री हो जाथे। जेखर से महिना म 5000 ले 7000 तक के आमदनी हो जाथे।
महेश्वरी ह बताइस के पति के मृत्यु हो जाय के बाद बहुत चिन्ता रहिस के घर परिवार कइसे चलही, लइका के पढ़ाई कइसे होही फेर जिला प्रशासन के सहयोग अउ सक्षम योजना के लाभ ले दुकान संचालन बहुत अच्छा होवत हे। अभी हाल म कोनो प्रकार के कोनो समस्या नइ हे परिवार म सबो खुश हें।