आदिवासी महिला मन के वन संरक्षण के काम सराहनीय : सुश्री उइके
रायपुर, 12 मार्च 2020। राज्यपाल सुश्री अनुसुईया उइके ह आज जिला कोण्डागांव के ग्राम सल्फीपदर के आदिवासी समाज के प्रतिनिधिमंडल ह मुलाकात करिस। ए दौरान राज्यपाल ह ग्राम सल्फीपदर ल गोद लेहे के घोषणा करिन। उमन कहिन कि उमन लउहे ए क्षेत्र के दौरा करहीं अऊ उहां के समस्या मन के निराकरण करे के उदीम करहीं। उमन कहिन के महिला मन ग्राम सल्फीपदर म वन संरक्षण के काम करत हें, जऊन सही मं सराहनीय हे। सही म जल जंगल जमीन म आदिवासी मन के अधिकार हे। ओ मन वन के असली मालिक हें। ओ मन सदियों ले वन के रक्षा करत आत हें। उमन कहिन कि 5वीं अनुसूची के तहत ग्रामसभा ल व्यापक अधिकार देहे गए हे। उमन कहिन के किसान मन के पानी के समस्या अऊ काली मिर्च के खेती ले संबंधित जरूरत मन के प्रस्ताव बनाके ग्रामसभा के माध्यम ले प्रशासन ल प्रेषित करव। प्रशासन कोति ले किसान मन ल खच्चित मदद करे जाही।
