जिला यूनियन सहकारी समिति मन ल 2.76 करोड़ रूपिया पारिश्रमिक राशि स्थानांतरित
रायपुर, प्रदेश म साल बीज के संग्रहण चालू हो चुके हे। ए साल बीज संग्रहण के लक्ष्य 2 लाख 64 हजार 550 क्विंटल रखे गए हे। अब तक 13 हजार 767 क्विंटल साल बीज के संग्रहण हो चुके हे। संग्राहक मन ल छत्तीसगढ़ राज्य लघु वनोपज सहकारी संघ कोति ले जिला यूनियन ल 2.76 करोड़ रूपिया पारिश्रमिक राशि दीए गए हे। जऊन ल प्राथमिक लघु वनोपज समिति मन से संग्राहक मन के खाता म स्थानांतरित करे जात हे। वन मंत्री श्री मोहम्मद अकबर ह पारिश्रमिक राशि समय म देहे के निर्देश दिए हें।
छत्तीसगढ़ राज्य लघु वनोपज सहकारी संघ के प्रबंध निदेशक श्री राकेश चतुर्वेदी ह बताइस कि राज्य शासन ह ए साल राज्य म 15 लघुवनोपज मन ल सबले कम समर्थन मूल्य म खरीदे के निर्णय लेहे हे। भारत सरकार के सबले कम समर्थन मूल्य योजना के तहत साल 2019 म साल बीज के 20 रूपिया प्रति किलो निरधारित करे गए हे। पाछू बछर म ये मूल्य 13 रूपिया प्रति किलो रहिस।
साल बीज के सीजन शुरू हो चुके हे। कई ठन जिला मन म एकर संग्रहण चालू हो गए हे। संग्राहक मन ले प्राथमिक लघु वनोपज समिति के माध्यम ले तय करे गे समर्थन मूल्य म साल बीज खरीदे जात हे, जऊन ल गोदाम म सुरक्षित रखे जात हे। ओखर बाद ई-टेंडर के माध्यम ले विक्रय करे जात हे। प्रदेश म 31 जिला यूनियन समिति कार्यरत हे, जेमां जगदलपुर बर 20000 क्विंटल, दक्षिण कोण्डागांव बर 60000 क्विंटल, केशकाल बर 16100 क्विंटल, नारायणपुर बर 3000 क्विंटल, कांकेर बर 10000 क्विंटल, गरियाबंद बर 15650 क्विंटल, रायगढ़ बर 2500 क्विंटल, धरमजयगढ़ बर 6000 क्विंटल, कटघोरा बर 2000 क्विंटल, जशपुरनगर बर 5000 क्विंटल, कोरिया बर 7000 क्विंटल, सरगुजा बर 25750 क्विंटल, बलरामपुर बर 65000 क्विंटल, सूरजपुर बर 15000 क्विंटल अउ आन यूनियन मन बर कई ठन संग्रहण लक्ष्य तय करे गए हे। अब तक जगदलपुर म 6000 क्विंटल, दक्षिण कोण्डागांव म 2000 क्विंटल, केशकाल म 2642 क्विंटल, नारायणपुर म 1012 क्विंटल, गरियाबंद म 629 क्विंटल, रायगढ़ म 700 क्विंटल, धरमजयगढ़ म 300 क्विंटल, जशपुर नगर म 74.03 क्विंटल, सरगुजा म 324.83 क्विंटल के संग्रहण हो चुके हे।
