पुलिस महानिदेशक श्री अवस्थी ह ये अभियान के संबंध म बताइस के अइसन वरिष्ठ नागरिक जऊन अकेल्ला रइथें, ओ मन ल ये अभियान ले जोड़े जाही कम्युनिटी पुलिसिंग के माध्यम ले अइसन वरिष्ठ नागरिक मन ल कोरोना काल म महामारी ले सुरक्षा बर जरूरी सुविधा, उंखर समस्या मन के जल्दी निदान संग ओ मन ल जरूरी जिनिस अऊ सेवा उपलब्ध कराए के काम करे जाही। ये अभियान ले जोड़े बर वरिष्ठ नागरिक थाना म आवेदन देके या पुलिस मुख्यालय ले जारी वाट्सएप नंबर अऊ ई-मेल एड्रेस म आवेदन देके समर्पण सदस्यता प्राप्त कर सकही। पहिली चरण म ये अभियान रायपुर, दुर्ग अऊ बिलासपुर जिला मन म शुरू करे जाही।
बैठक म अपर मुख्य सचिव गृह श्री सुब्रत साहू, संचालक लोक अभियोजन श्री प्रदीप गुप्ता, रायपुर रेंज के पुलिस महानिरीक्षक डॉ. आनंद छाबड़ा, उप पुलिस महानिरीक्षक श्री सुशील द्विवेदी, मुख्यमंत्री सचिवालय के उप सचिव सुश्री सौम्या चौरसिया संग पुलिस विभाग के वरिष्ठ अधिकारी उपस्थित रहिन।
