रायपुर, 14 अक्टूबर 2020। छत्तीसगढ़ म मुख्यमंत्री श्री भूपेश बघेल के निर्देशन म प्रदेश के हजारों कमजोर अऊ मध्यम वर्ग के मनखे मन ल बड़का राहत मिले हे। प्रदेश म बड़का पैमाने म अब कमजोर तबके के मनखे, जिंकर जमीन के छोटे भूखण्ड हे, ओ मन अब एकर खरीद बिक्री आसानी ले कर पावत हें। राज्य शासन ह जमीन के छोटे भूखण्ड मन के खरीद बिक्री म लगे प्रतिबंध ल हटाय रहिस, फलस्वरूप प्रदेश के छोटे तबका के जरूरतमंद मनखे मन बर 5 डिसमिल ले छोटे भूखण्ड के क्रय विक्रय संभव हो सके हे। एकरे सेती अब तक करीब एक लाख 49 हजार 755 छोटे भूखण्ड मन के क्रय-विक्रय होए हे।
राज्य शासन के राजस्व विभाग ह छोटे भूखण्ड मन के पंजीयन अउ नामांतरण के कार्यवाही अऊ छत्तीसगढ़ नामांतरण अउ आन भू-अभिलेख ल तियार करे बावत नियम 1965 म संशोधन करके 25 अक्टूबर 2019 ले राज्य के सबो जिला मन म जमीन के छोटे भूखण्ड मन के नामांतरण के कार्यवाही सुरू कराए हे। जेखर फलस्वरूप बड़का पैमाना म 5 डिसमिल ले छोट भूखण्ड मन के क्रय-विक्रय हो सके हे।