सलवा जुडूम के समय सुकमा, बीजापुर, दंतेवाड़ा ले विस्थापित होके तेलंगाना-आंध्रप्रदेश गए मनखे कहू लहुटना चाहत हें, त उंखर स्वागत हे : मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल ह कहे हें कि सलवा जुडूम के समय छत्तीसगढ़ के बस्तर अंचल सुकमा, बीजापुर, दंतेवाड़ा ले विस्थापित होके तेलंगाना अऊ आंध्रप्रदेश गए छत्तीसगढ़ के मनखे कहूं वापस आना चाहत हें, त राज्य सरकार उंखर दिल ले स्वागत करे ल तियार हे। कार्ययोजना बनाके ऊंखर पुनर्वास बर अनुकूल वातावरण बनाय जाही।
मुख्यमंत्री श्री बघेल आज इहां अपन निवास कार्यालय म तेलंगाना ले आए छत्तीसगढ़ के मनखे मन के प्रतिनिधि मंडल ले चर्चा करत रहिन। ये प्रातिनिधि मंडल म सामिल मनखे सलवा जुडूम के समय छत्तीसगढ़ के सुकमा, बीजापुर अऊ दंतेवाड़ा जिला ले विस्थापित हो के तेलंगाना चल दे रहिन। उद्योग मंत्री श्री कवासी लखमा, छत्तीसगढ़ राज्य अनसूचित जनजाति आयोग के अध्यक्ष श्री भानुप्रताप सिंह ए बेरा म उपस्थित रहिन।