समाधान तुंहर दुआर: शिविर म आए आवेदन मन म तुरंते कार्रवाई शुरू

बालोद, कलेक्टर श्री कुलदीप शर्मा के निर्देश के मुताबिक सबो विभाग मन जिला म आयोजित समाधान तुंहर दुआर शिविर म आए आवेदन मन के परीक्षण के उपरांत ओखर निराकरण बर तुरंते कार्रवाई शुरू कर देहे गए हे। एखर अंतर्गत जिला के डौण्डीलोहारा के विकासखण्ड के मुडखुसरा निवासी दिव्यांग युवक राजेन्द्र कुमार रावटे ल कलेक्टर श्री शर्मा के निर्देश म जल्दी अमल करत मात्र दू घण्टा म सबो प्रक्रिया मन ल पूरा करके ओ ल ट्राईसायकल देहे गीस। जानबा हे कि डौण्डीलोहारा विकासखण्ड के ग्राम महराजपुर म आयोजित समाधान तुंहर दुआर शिविर म कलेक्टर श्री कुलदीप शर्मा के के आगू दिव्यांग युवक राजेन्द्र कुमार रावटे ह ओ मन ल ट्राईसायकल देहे के मांग करे रहिस। ये बात म जल्दी कार्रवाई करत कलेक्टर श्री शर्मा ह जनपद पंचायत के मुख्य कार्यपालन अधिकारी रूपेश पाण्डे ल दिव्यांग युवक राजेन्द्र कुमार रावटे ल तुरंते ट्राईसायकल देहे के निर्देश देहे रहिन। एसडीएम श्री मनोज मरकाम अऊ जनपद पंचायत के मुख्य कार्यपालन अधिकारी श्री रूपेश पाण्डे ह दिव्यांग राजेन्द्र कुमार रावटे ल कलेक्टर के निर्देश के बाद मात्र दू घण्टा म ट्राईसायकल प्रदान करिस।