रायपुर, 20 सितम्बर 2023
मुख्यमंत्री श्री भूपेश बघेल आज राजधानी रायपुर स्थित निजी होटल में टाईम्स गु्रप कती ले आयोजित कार्यक्रम ‘‘मिरर नॉउ समिट-छत्तीसगढ़ पाथ टू प्रोग्रेस‘‘ में संघरिस। मुख्यमंत्री श्री बघेल ह छत्तीसगढ़ के विकास ल लेके शासन के योजना मन के क्रियान्वयन अउ सकारात्मक परिणाम म अपन बात रखिस।
कार्यक्रम ल संबोधित करत हुए मुख्यमंत्री दाऊ बघेल ह कहिस कि छत्तीसगढ़ जईसे भौगोलिक रूप ले छोटे राज्य म घलो बेहतर काम होवत हे अउ इहां लोगन मन खुशहाल हे। ओ ह कहिस कि देश के आधा से जादा आबादी किसान हे अउ छतीसगढ़ में तो 75 फीसदी ले जादा लोगन मन खेती-किसानी ले जुड़े हे। हमन किसानी ल फायदा के व्यवसाय बनाएन अउ ओला उपज के सही दाम देहे के काम करे हन। हमर प्राथमिकता न केवल कृषि केंद्रित रहिस बल्कि एकर समानांतर हमन वनांचल में रहे वाले लोगन मन के सामाजिक अउ आर्थिक सशक्तिकरण के दिशा में प्रभावी काम करे हन।दाऊ बघेल ह गोधन न्याय योजना ले किसान अउ पशुपालक मन के जीवन में आए बदलाव म अपन बात रखत हुए कहिस कि हमन एला लागू करे से पहिली शासन स्तर म लंबा अध्ययन करेन अउ ओकर बाद म ही लोगन मन ल एकर से जोडे़ गइस। अभी तक 265 करोड़ रुपिया ले गोबर के खरीदी अउ लगभग 300 करोड़ रूपिया के वर्मीकम्पोस्ट तियार हो गए हे। संग ही 10 हजार 200 गौठान में से 6500 गौठान स्वावलंबी हो गए हे। ओ ह कहिस कि गौठान में आजीविका ब अबड़ कन एलाइड गतिविधि संचालित होवत हे अउ 13 हजार ले जादा स्व-सहायता समूह के 2 लाख ले जादा महिला म ल रोजगार मिलत हे।
मुख्यमंत्री ह कहिस कि नक्सल प्रभावित इलाका के दायरा घटिस हे अउ स इलाका मन में हमन विकासात्मक कार्य ल बढ़ावा दिए हन। अब वनांचल में 67 प्रकार के वनोपज के खरीदी करत हे। वन उत्पादो के वैल्यू एडिशन ले मुनाफा में बढ़ोत्तरी होइस हे। मोला खुशी हे कि देश के सबसे बडे़ मिलेट प्लांट छत्तीसगढ़ में स्थापित करे गय हे। अउ समर्थन मूल्य में एकर घलो खरीदी करे जाथ हे।
कार्यक्रम में मुख्यमंत्री के सलाहकार श्री प्रदीप शर्मा, कृषि उत्पादन आयुक्त डॉ कमलप्रीत सिंह, मिरर नाउ के मैनेजिंग एडिटर श्री निकुंज गर्ग उपस्थित रहिस।
