समोदा बनही उप-तहसील: नगर पंचायत समोदा म नवा महाविद्यालय भवन बनही

रायपुर, भैंसा म लउहे चालू होही पुलिस चौकी समोदा म खुलही जिला केन्द्रीय सहकारी बैंक के शाखा, उप-स्वास्थ्य केन्द्र समोदा के होही प्राथमिक स्वास्थ्य केन्द्र म उन्नयन। मुख्यमंत्री ह रायपुर जिला के आरंग विधानसभा के ग्राम समोदा म करिन घोषणा। छत्तीसगढ़ शासन के योजना मन ले मनखे मन के जीवन म आइस बदलाव।
मुख्यमंत्री श्री भूपेश बघेल भेंट-मुलाकात कार्यक्रम बर आज आरंग विधानसभा के ग्राम समोदा पहुंचिन। उमन भेंट-मुलाकात ल संबोधित करत कहिन कि सरकार बनतेच सबले पहिली हमन करजा माफी के फैसला करेन, 19 लाख किसान मन के साढ़े 9 हजार करोड़ रूपिया के करजा माफ होइस। जेन किसान मन ह धान बेचे रहिन अऊ जेकर करजा पटा दे गीस, उंखर राशि वापस लहुटाए गीस। समर्थन मूल्य म धान खरीदी करिन, किसान मन ल राजीव गांधी किसान न्याय योजना म इनपुट सब्सिडी देन। ये योजना के 3 क़िस्त के राशि किसान मन के खाता म आ गे। योजना के आखिरी अऊ चौथइया क़िस्त 31 मार्च के देहे जाही। श्री बघेल ह कहिन कि राज्य सरकार के योजना ले किसान मन के जीवन म काफी बदलाव आए हे। मुख्यमंत्री ह कहिन हमर मंशा हे सबला राशन मिलय, हमन सबके राशन कार्ड बनायेन। उमन राशन कार्ड के हितग्राही मन ले बातचीत करके योजना के फीडबैक लेन। मुख्यमंत्री ह मनखे मन ले पूछेन काकर-काकर करजा माफ होइस हे। ये म बड़ संख्या म मनखे मन ह हाथ उठाके बताइस कि उंखर करजा माफ होइस हे। नगरीय प्रशासन अउर विकास मंत्री डॉ. शिव कुमार डहरिया घलोक ये बेरा म उपस्थित रहिन।