महासमुन्द 26 सितम्बर 23
शासकीय प्राथमिक शाला मुंधा विकासखंड सरायपाली के शिक्षक मन ह लईका मन के अधिगम स्तर ल सुधारे ब कई तरिका के नवाचार करत हे। राज्य शासन लईका मन के पढ़ाई स्तर सुधारे ब जे प्रयास करत हे , उकर सुखद परिणाम घलो मिलत हे। शासकीय प्राथमिक शाला मुंधा के प्रधान पाठक श्रीमती शीला विश्वास अउ शिक्षक मन के अइसे ही नवाचार अउ पहल से इहां के शिक्षा स्तर में बडे़ बदलाव देखे म मिलत हे। सरायपाली के उत्तर में 14 किलोमीटर दूरिहा ग्रामीण परिवेशीय गांव मुंधा हेवय। जिहां के लोगन मन खेती मजदूरी म निर्भर हे।
प्रधान पाठक श्रीमती शीला विश्वास बतात हे – मैं जब प्राथमिक शाला मुंधा मे आए परिस्थिति विपरीत रहिस अउ अइसे परिस्थिति में काम करना आसान नई रहीस लेकिन फेर मै ह मन में ठान लिए के कुछ तो बड़े बदलाव करना हे अउ लईका मन के पढ़ई स्तर सुधारना हे।
विद्यालय सक्रियता चाहे ओकर सुरक्षा कस बात हे त बिना विद्यालय प्रबंधन समिति ल सक्रिय करे बिना हमन ए नई कर सकन। तेकर ब सबले पहिली मै ह विद्यालय प्रबंधन समिति ल सक्रिय करे के संग ही संग विद्यालय, परिवार अउ समुदाय के बीच सामंजस्य स्थापित करे। शाला में कक्षा-कक्ष साधारण रहिस अउ शाला मे कोनो अतिरिक्त गतिविधि नई होवत रहिस। जेकर से लईका मन ल पढ़ाई में कोनो खास रुचि नई रहिस। तब इहां के शिक्षक मन ह लईका मन के सर्वांगीण विकास ब बीआरसीसी सतीश स्वरूप पटेल के मार्गदर्शन अउ संकुल समन्वयक पुरूषोत्तम पटेल के निर्देशन में कछु कछु नवाचार करिस जईसे- विद्यालय संचालन ब नवाचार मे प्रार्थना सत्र मे प्रतिदिन अलग – अलग लईका मन द्वारा प्रार्थना संचालन माईसेल्फ इन्ट्रोडक्शन, सामान्य ज्ञान, प्रश्नोत्तरी के जानकारी विशेष दिन के जानकारी, प्रमुख समाचार पत्र के महत्वपूर्ण समाचार वाचन करना, विषय ल रुचिकर बनाए पाठ्यक्रम के आवश्यकता अनुसार शिक्षण अधिगम सामग्री निर्माण कर विद्यार्थी मन ल प्रोत्साहित करे गइस अउ गतिविधि आधारित शिक्षण प्रारंभ करिस। हमार स्कूल मे बाल केबिनेट गठन अउ एसएमसी के सदस्य मन ल क्रियाशील कर माता उन्मुखीकरण (अंगना म शिक्षा) कार्यक्रम आयोजित करे गइस । जेकर समुचित प्रभाव देखे ब मिले लगिस ।
