मुंगेली 02 मई 2020// कलेक्टर डाॅ. सर्वेश्वर नरेंद्र भुरे ह कहिन हे कि निकट भविष्य म लाॅकडाउन खतम होवैया हे । लाॅकडाउन खतम होय ले सब्बो शासकीय कार्यालय म शासकीय काम शुरू होही। शासकीय काम शुरू होय ले बड़े संख्या म आम नागरिक मन कार्यालय म आवागमन चालू करहिं। जेखर लिये आमजन, अधिकारी-कर्मचारि के सुरक्षा बर जिला कार्यालय, सब्बो तहसील कार्यालय, जिला पंचायत कार्यालय, सभी जनपद कार्यालय, सब्बो ग्राम पंचायत कार्यालय अउ दूसर मैदानी कार्यालय ल आगामी एक सप्ताह के भीतर सेनेटाइज करे के हुकुम दिये हे। साथ ही साथ कार्यालय के रोज साफ-सफाई व्यवस्था सुनिश्चित करबर प्रत्येक कार्यालय के रंग-रोगन, कार्यालय म हाथ धोय बर हैण्डवाॅश आदी व्यवस्था करे, अनुपयोगी सामान ल राइट आॅफ करे अउ दूसर आवश्यक व्यवस्था करे के हुकुम दिये हे। ताकि कोरोना महामारी के प्रसार ल नियंत्रित करे जा सके। संबंधित अधिकारि ल संबंधित काम के फोटो ग्राफ सहित पालन प्रतिवेदन कलेक्टर कार्यालय ल उपलब्ध कराय के निर्देश दिये हावयं।
मुंगेली ले गुरतुर गोठ बर दिलीप बसंत
