संग म राजभाषा छत्तीसगढ़ी के सवंर्धन, संरक्षण म योगदान देवइया 09 विभूति मन ल करिन सम्मानित
रायपुर, 30 नवम्बर 2020, मुख्यमंत्री श्री भूपेश बघेल ह राजभाषा दिवस 28 नवम्बर के अपन निवास कार्यालय ले 8वां छत्तीसगढ़ी राजभाषा दिवस के अवसर म राजधानी रायपुर के महंत घासीदास स्मारक संग्रहालय के सभागार म आयोजित गोष्ठी के वर्चुअल शुभारंभ करिन।
ये बेरा म श्री बघेल ह छत्तीसगढ़ी राजभाषा के प्रचार-प्रसार, साहित्य सृजन अऊ संवर्धन म जबर योगदान बर प्रदेश के 09 विभूति मन ल सम्मानित करिन। संस्कृति मंत्री श्री अमरजीत भगत, गृहमंत्री श्री ताम्रध्वज साहू, स्कूल शिक्षा मंत्री डॉ. प्रेमसाय सिंह टेकाम, महिला अउर बाल विकास मंत्री श्रीमती अनिला भेंडिया, वनमंत्री श्री मोहम्मद अकबर, लोकस्वास्थ्य यांत्रिकी मंत्री श्री रुद्र गुरू, संसदीय सचिव श्री शिशुपाल शोरी, संस्कृति विभाग के सचिव श्री अंबलगन पी., संचालक श्री अमृत विकास तोपनो ये बेरा म उपस्थित रहिन।
मुख्यमंत्री श्री बघेल ह कार्यक्रम ल छत्तीसगढ़ी म सम्बोधित करत कहिन के नवा सरकार बने के बाद छत्तीसगढ़ी राजभाषा, छत्तीसगढ़ी तीज-तिहार के महत्व अऊ जादा बाढ़ गए हे। राज्य सरकार ह हरेली, तीजा-पोरा, करमा जयंती, विश्व आदिवासी दिवस के छुट्टी घोषित करे हे।
मुख्यमंत्री ह कहिन के महंत घासीदास स्मारक संग्रहालय सभागार म राजभााषा दिवस म आयोजित गोष्ठी म बहिनी मन छत्तीसगढ़ी वेशभूषा म आए हें। पहिली मनखे मन छत्तीसगढ़ी म बोले म संकोच करत रहिन, अब जब छत्तीसगढ़ी मनखे मिलथें, त अपन भाखा छत्तीसगढ़ी म गरब ले अपन दाई भाखा म बात करथें। उमन कहिन के छत्तीसगढ़ी, हिंदी, अवधी अऊ बृज भाषा मन समकालीन हे, फेर आन भाषा मन म छत्तीसगढ़ी भाखा के तुलना म जादा साहित्य सर्जन के काम होय हे। छत्तीसगढ़ी भाखा के विकास अऊ छत्तीसगढ़ी भाखा म साहित्य सृजन के काफी जरूरत हे। उमन कहिन के प्रदेश म गोंडी, हल्बी, कुड़ुख, सरगुजिया जैसी भाषा मन म घलोक लइका मन ल शिक्षा देहे जात हे। मुख्यमंत्री ह ये बेरा म प्रदेशवासी मन ल छत्तीसगढ़ी राजभाषा दिवस के बधाई तको दीन।
मुख्यमंत्री श्री बघेल ये बेरा म जऊन छत्तीसगढ़ी राजभाषा सेवी मन ल सम्मानित करिन, जेमा हमर गुरतुर गोठ के प्रबंध संपादक संजीव तिवारी संग श्री नंदकिशोर शुक्ला बिलासपुर, श्री वैभव पाण्डेय बेमेतरिहा, रायपुर, डॉ. चितरंजन कर रायपुर, डॉ. परदेशीराम वर्मा भिलाई, श्री रामेश्वर वैष्णव रायपुर, डॉ. राजन यादव खैरागढ़, श्री देवेश तिवारी रायपुर अऊ सुश्री सुधा वर्मा रायपुर ल सम्मानित करे गीस।
Dignitaries who were honored on the occasion are Shri Nandkishore Shukla Bilaspur, Mr. Vaibhav Pandey Bemetariha, Raipur, Dr. Chittaranjan Kar Raipur, Dr. Pardeshiram Verma Bhilai, Mr. Rameshwar Vaishnav Raipur, Mr. Sanjeev Tiwari Durg Advocate, Dr. Rajan Yadav Khairagarh, Mr. Devesh Tiwari Raipur and Ms. Sudha Verma Raipur.
